काठमाडौं । आजदेखि अपी पावर कम्पनी लिमिटेडले सर्वसाधारण समूहको १३ लाख ४६ हजार २१८ कित्ता सेयर बिक्री खुला गरेको छ ।
सेयरको न्यूनतम १०० रुपैयाँ तोकिएको छ । आधार मानेर त्यसभन्दा बढी भाउ तोकी बोलकबोलमा सहभागी हुनुपर्नेछ । लगानीकर्ताले पुस १३ गतेसम्म लिलामीमा सेयरमा आवेदन दिन पाउनेछन् ।
यसमा बिक्री प्रबन्धक सिद्धार्थ क्यापिटल, नारायणचौर नक्साल काठमाडौंबाट आवेदन दिन सकिनेछ । त्यसैगरी सिद्धार्थ बैंकको शाखा कार्यालयहरु विराटनगर, विर्तामोड, वीरगन्ज, जनकपुर, हेटौडा, नारायणघाट, पोखरा, बाग्लुङ, बुटवल, घोराही, नेपालगन्ज, धनगढी, सुर्खेत र महेन्द्रनगरबाट आवेदन दिन सकिनेछ ।
कम्पनीको चुक्तापुँजी १ अर्ब ९ करोड ७ लाख रुपैयाँ रहेको छ । हकप्रद र बाँकी रहेको सेयर बिक्री भएपछि चुक्ता पुँजी १ अर्ब ७५ करोड रुपैयाँ पुग्नेछ ।
वि.सं.२०७७ पुस ६ सोमवार ११:५२ मा प्रकाशित
