काठमाडौं । प्रभु लाइफ इन्स्योरेन्स कम्पनीको आईपीओ शुक्रवार बाँडफाँट भएको छ ।
विक्री प्रबन्धक सिद्धार्थ क्यापिटलको कार्यालय नक्साल, काठमाडौंमा विहान ११ बजे भएको बाँडफाँटमा ५ लाख ४० हजार आवेदकले गोलाप्रथाको माध्यमबाट १० कित्ताका दरले शेयर हात पारेका छन् । यो आईपीओका लागि आवेदन दिने ५ लाख ११ हजार २१६ जनाको हात भने खाली भएको छ ।
कम्पनीको आईपीओमा १० लाख ५१ हजार २१६ जनाले आवेदन दिएकोमा २ हजार १६९ जनाको आवेदन रद्द भएको विक्री प्रवन्धकले बताएको छ । कम्पनीले मंसिर २९ गतेदेखि पुस २ गतेसम्म सार्वजनिक निष्कासन मार्फत ५४ लाख कित्ता आईपीओ विक्री खुला गरेको थियो ।
वि.सं.२०७७ पुस १० शुक्रवार १२:०४ मा प्रकाशित
