काठमाडौं । महिला लघुवित्त वित्तीय संस्थालाई आईपीओ निष्कासन गर्न नेपाल धितोपत्र बोर्डले दियो अनुमति पाएको छ ।
कम्पनीले ४ लाख कित्ता आईपीओ निष्कासन गर्नका लागि नियामक निकाय नेपाल धितोपत्र बोर्डबाट माघ ८ गते अनुमति पाएको हो । विक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ ।
कम्पनीले चालू आवको दोस्रो त्रैमासमा नाफा २ दशमलव ५ गुणा वृद्धि भएको हो । कम्पनीले गत आवको दोस्रो त्रैमासमा रू. २ करोड ९ लाख ५८ हजार नाफा कमाएकोमा चालू आवको सोही अवधिमा वृद्धि भएर रू. ५ करोड ४३ लाख ७९ हजार पुगेको हो ।
चालू आवको दोस्रो त्रैमासमा कम्पनीको खुद ब्याज आम्दानी ,सञ्चालन नाफामा वृद्धि भएकाले र रू.२ करोड २ लाख ३६ हजार भन्दा बढी खराब कर्जा उठाउन कम्पनी ब्यवस्थापन सफल भएकाले नाफामा वृद्धि भएको हो ।
वि.सं.२०७७ माघ १४ बुधवार १६:४३ मा प्रकाशित
