पराजन के.सी.
काठमाडौं । नेपाल क्रेटिड एण्ड कमर्स (एनसीसी) बैंकले २५ लाख कित्ता संस्थापक शेयर फागुन २ गतेदेखि लिलामीमा विक्री गर्ने भएको छ ।
शेयरको न्यूनतम मूल्य प्रतिशेयर रू. १४० तोकिएको हुँदा सो वा सोभन्दा बढी मूल्य अंकित गरी आवेदन गर्न सकिने कम्पनीले बताएको छ । इच्छुक संस्थापक लगायत अन्य इच्छुक व्यक्ति, फर्म, कम्पनी तथा संगठित संस्थाहरुले आवेदन गर्न सक्नेछन् ।
शिलबन्दी बोलपत्र पेश गर्ने अन्तिम दिन फागुन ९ गते बैंकिङ समयसम्म रहेको छ । इच्छुक आवेदकले बोलपत्र पेश गर्दा न्यूतमम १ हजार कित्ता र अधिकतम शेयर संख्याको लागि कुनै हद नलाग्ने पनि कम्पनीले जानकारी दिएको छ । विक्री प्रबन्धक सनराइज क्यापिटल लिमिटेड रहेको छ ।– प्रशिक्षार्थी पत्रकार
वि.सं.२०७७ माघ २५ आइतवार १२:३१ मा प्रकाशित
