काठमाडौं । फागुन मसान्तसम्म सञ्चालनमा रहेको बीमा कम्पनीहरुको बीमालेख संख्या अघिल्लो वर्षको तुलनामा १४.९ प्रतिशतले बढेको छ । अर्थ मन्त्रालयका अनुसार यो अवधिमा कुल बीमा लेखेको संख्या १ करोड १ लाख ७६ हजार २९० पुगेको छ ।
जसमा जीवन बीमालेख ८०.५ र निर्जीबन बीमा १९.५ प्रतिशत रहेको छ । अघिल्लो वर्षको सोही अवधिमा यस्तो हिस्सा ८१.४ र १८.६ प्रतिशत रहेको थियो ।
यो अवधिमा संकलन भएका बीमा प्रिमियम रकम अघिल्लो वर्षको सोही अवधिको तुलनामा ३०.९ प्रतिशतले वृद्धि भएर १ खर्ब २ अर्ब ४० करोड रुपैयाँ पुगेको छ । अघिल्लो वर्षको सोही अवधिमा यस्तो रकम ७८ अर्ब २५ करोड रुपैयाँ रहेको थियो ।
यो अवधिमा बीमा प्रिमियम संकलन जीवन बीमाले ८०.३ र निर्जीबनको १९.७ प्रतिशत रहेको छ । फागुन मसान्तसम्म वैदेशिक रोजगार बीमालेख समेत समावेश गर्दा बीमाको दायरा २५.८ प्रतिशत रहेको छ । अघिल्लो वर्ष २२.९ प्रतिशत रहेको थियो ।
वि.सं.२०७७ चैत ३० सोमवार १७:४१ मा प्रकाशित
