काठमाडौं । गरिमा विकास बैंकले चालू आर्थिक वर्षको तेस्रो त्रैमासिक वित्तीय विवरण सार्वजनिक गरेको छ । बैंकले सार्वजनिक गरेको विवरण अुनसार त्रैमाससम्ममा ६७ करोड ८२ लाख ७६ हजार रुपैयाँ खुद नाफा गरेको छ ।
बैंकले गत वर्ष यो अवधिसम्म ४९ करोड ६४ लाख १९ हजार रुपैयाँ खुद नाफा गरेको थियो । गत वर्ष ७० करोड ७४ लाख ११ हजार सञ्चालन नाफा गरेको बैंकले यस वर्ष ९६ करोड ८९ लाख २१ हजार रुपैयाँ नाफा गरेको हो ।
तेस्रो त्रैमाससम्म कम्पनीको वितरण योग्य नाफा ४९ करोड २ लाख ९८ हजार रुपैयाँ रहेको छ । यसवर्ष कम्पनीले ५९ अर्ब २० करोड ५४ लाख ३८ हजार निक्षेप संकलन गरेको छ भने ५० अर्ब २९ करोड ७० लाख ८२ हजार रुपैयाँ कर्जा प्रवाह गरेको छ ।
गत वर्ष शून्य दशमलव २४ प्रतिशत रहेको निष्क्रिय कर्जा अनुपात यो वर्ष शुन्य दशमलव ५८ प्रतिशत कायम भएको छ ।कम्पनीको वार्षिक प्रतिशेयर आम्दानी २४.६० रुपैयाँ र प्रतिशेयर नेटवर्थ १३८.९२ रुपैयाँ रहेको छ ।
वि.सं.२०७८ वैशाख ७ मंगलवार १२:४६ मा प्रकाशित
