काठमाडौं । प्रधानमन्त्री केपी शर्मा ओलीले इतिहास झल्कने आधुनिक टल्किने खालको धरहरा बनेको बताउनु भएको छ । पुनर्निर्मित धरहराको उद्घाटन गर्दै यस्तो बताउनु भएको हो ।
प्रधानमन्त्री ओलीले अब नेपाल दाता मुलुकको रुपमा अघि बढनु पर्ने समेत बताउनु भएको छ । ‘नेपाली भनेको दान गर्ने हो, भिखारी होइन’उहाँले भन्नुभयो ‘अब देशलाई दाता राष्ट्रको रुपमा माथी उठाइने छ ।’ अहिले दाता कहाँ पाइएला भनेर खोज्नु परेपनि नेपालमा भएको, भौगोलिक, जैविक विविधता, पर्यटन लगायतका कुराको सदुपयोग गरेर नेपाल दाता राष्ट्रको रुपमा अग्रसर भएर आउने बताउनुभयो ।
रासायनीक मल, विद्युतीय गाडि, मेसिनरी सामान आफ्नै देशमा बनाउने बताउनुभयो । नेपालमा प्रयोग हुने भएको कारण मोबाइल, टिभी कम्प्युटर उपभोग मात्रै भएको भन्दै अब उत्पादन पनि गर्ने बताउनु भयो । यो स्थिती अन्त्य गर्न सरकार लागपरेको धारणा राख्नुभयो ।
६२.८८ मिटरको ठाँउमा अहिले ८६.८५ मिटरको धरहरा बनेको छ । पहिलाको भन्दा अहिले २३.९७ मिटर अग्लो धरहरा बनेको छ । धरहरा भूमिगतसहित २५ तलाको रहेको छ । यसको लागत ५ अर्ब ७६ करोडको अनुमान गरिएको थियो । तर यसको कुल ठेक्का रकम ३ अर्ब ४८ करोड रहेको छ ।
धरहरामा परेर निधन भएका परिवारलाई प्राथमिकताका साथ रोजगारी उपलब्ध गराउनु २०७८ साल भित्र सडक बालबालिका, भिखारी मुक्त, सडक मानिस मुक्त सहर बनाउने घोषणा गर्नु भएको छ । उहाँले यस्ता मानिसको लागि अभिभावकको रुपमा सरकार रहेको समेत जानकारी गराउनुभयो ।
उहाँले आज नै विरेन्द्र सैनिक अस्पतालमा ७५० बेडको ६ हजारसम्मलाई उपचार गर्न सक्ने अस्पतालको आजै उद्घाटन गरेको स्मरण गराउनुभयो ।
काठमाडौंमा १७ हजार लिटर पानी आउने गरेको छ । सबै ठाँउमा ल्याउन धेरै मेहनत लाग्ने उहाँका भनाई छ । मेलम्चीको पानीले पाइप फटदैन भयावह हुँदैन डराउनु पर्दैन । प्रम ओलीले आजको खुसीको दिनमा घरघरमा दिपावली गर्न समेत आग्रह गर्नुभयो । कार्यक्रममा प्रम ओलीले काठमाडौंलाई विश्वका मानिस आउँ आउँ लाग्ने खालको बनाउने बताउनु भयो ।
यो धरहरामा २ वटा लिफट र फलामे भर्याङ रहेको छ । २०७५ पुस १२ गते प्रधानमन्त्री केपी शर्मा ओलीले शिलान्यास गरेको यो धरहराको आज (लोकतन्त्र दिवस)का दिन उद्घाटन भएको छ । यहाँ ४ सय गाडि र ७ सय मोटरसाइकल पार्किङ गर्न सकिने व्यवस्था रहेको छ । सुन्धारामा २४ सैं घन्टा पानी झर्ने व्यवस्था मिलाईएको छ ।
धरहरामा एक पटकमा १० जनाले यात्रा गर्ने, वृद्ध,वृद्धा अपाङग पनि जान सक्ने । तीन तले पार्किङ, संग्रहालय समेत रहेको छ । १८८२ मा बनेको धरहरा २०७२ वैशाख १२ मा गएको भूकम्पका कारण पूर्ण रुपमा ध्वस्त भएको थियो । त्यहाँ बाँकी रहेको भाग शिसाले घेरेर राख्ने बताइएको छ । धरहरा निर्माण गर्न जनताको २४ करोड सहयोग जुटेको छ ।
वि.सं.२०७८ वैशाख ११ शनिवार १२:५७ मा प्रकाशित