काठमाडौं । राष्ट्रिय वाणिज्य बैंकले ३ अर्ब २७ करोड रुपैयाँ नाफा कमाएको छ । चालू आर्थिक वर्षको तेस्रो त्रैमाससम्ममा बैंकले उक्त नाफा आर्जन गरेको हो ।
बैंकले सार्वजनिक गरेको तेस्रो त्रैमाससम्मको वित्तीय विवरणले यस्तो देखाएको हो । गत वर्षको सोही अवधिमा ३ अर्ब ३ करोड ६२ लाख रुपैयाँ नाफा कमाएको थियो । गत वर्षको तुलनामा बैंकको नाफा ७.६९ प्रतिशतले वृद्धि भएको हो ।
यस्तै, बैंकको वितरण योग्य नाफा ३ अर्ब ४ करोड ३३ लाख ५२ हजार रहेको छ । हाल कम्पनीको चुक्तापूँजी ९ अर्ब १८ करोड ४८ लाख ९१ हजार रहेको छ ।
बैंकको जगेडा कोषमा १७ अर्ब ६३ करोड ७ लाख ४९ हजार रुपैयाँ रहेको छ । २ खर्ब ४० अर्ब ७२ करोड ५४ लाख ९५ हजार निक्षेप संकलन गरेको छ । बैंकको कर्जा प्रवाह भने १ खर्ब ६७ अर्ब ५१ करोड ८२ लाख ५६ हजार रुपैयाँ रहेको छ ।
वि.सं.२०७८ वैशाख १३ सोमवार १०:४६ मा प्रकाशित
