काठमाडौं । चालु आर्थिक वर्षको ९ महिनामा जीवन बीमा कम्पनीको व्यवसाय विस्तार तिब्र रुपमा भएको छ । कोरोनाको संक्रमण हुँदा तथा संक्रमण न्यून हुँदा पनि बीमा कम्पनीहरुले व्यवसाय आक्रमक रुपमा लागेका छन् ।
यो अवधिमा जीवन बीमा कम्पनीको ९३ अर्ब ८६ करोड रुपैयाँ बीमा शुल्क आर्जन गरेका छन् । चैत महिनामा मात्रै २२ अर्ब ६५ करोड रुपैयाँ बीमा शुल्क आर्जन भएको बीमा समितिले जनाएको छ ।
यो अवधिमा कम्पनीहरुले प्रथम बीमा शुल्क ३२ अर्ब ४६ करोड रुपैयाँ आर्जन गरेका छन् । यस्तै नवीकरण शुल्क ६० अर्ब ९६ करोड रुपैयाँ आर्जन गरेका छन् । वैदेशक रोजगारीतर्फ ४४ करोड रुपैयाँ रहेको छ ।
बीमा समितिका अनुसार माघ मसान्तसम्ममा नेपाल लाइफले सबैभन्दा बढी २५ अर्ब ३८ करोड रुपैयाँ प्रिमियम संकलन गरेको छ । प्रथम बीमा शुल्कको हिस्सा ६ अर्ब ९७ करोड रुपैयाँ रहेको छ भने नवीकरण बीमा शुल्क १४ अर्ब ३८ करोड रुपैयाँ र वैदेशिक रोजगार बीमा शुल्क ३ करोड रुपैयाँ संकलन गरेको छ ।
दोस्रो स्थानमा लाइफ इन्स्योरेन्स कर्पोरेशन रहेको छ । कर्पाेरेशनले १३ अर्ब ६६ करोड रुपैयाँ बीमा शुल्क आर्जन गरेको छ । प्रथम बीमा शुल्क २ अर्ब ९४ करोड रुपैयाँ रहेको छ भने नवीकरणतर्फ १० अर्ब ७२ करोड रुपैयाँ रहेको छ ।
सरकारको स्वामित्वमा रहेको राष्ट्रिय बीमा संस्थानले ६ अर्ब ९१ करोड रुपैयाँ बीमा शुल्क आर्जन गर्दा ६५ अर्ब प्रथम बीमा शुल्क, ६ अर्ब २६ करोड रुपैयाँ नवीकरण बीमाशुल्क आर्जन गरेको छ ।
९ महिनाको अवधिमा नेशनल लाइफ इन्स्योरेन्सले ८ अर्ब ७५ करोड रुपैयाँ बीमा शुल्क आर्जन गर्दा २ अर्ब ९१ करोड रुपैयाँ प्रथम बीम शुल्क, ५ अर्ब ८१ करोड रुपैयाँ नवीकरण बीमा शुल्क र ३ करोड रुपैयाँ वैदेशिक रोजगार बीमा शुल्क आर्जन गरेको समितिको तथ्याङकमा उल्लेख छ ।
यता मेट लाइफले ४ अर्ब ३ करोड रुपैयाँ बीमा शूल्क आर्जन गर्दा प्रथम बीमा शुल्क १ अर्ब १६ करोड र नवीकरण बीमाशुल्क २ अर्ब ८७ करोड रुपैयाँ रहेको छ ।
एसियन लाइफले चैत महिना सम्ममा ४ अर्ब ६४ करोड रुपैयाँ बीमा शुल्क आर्जन गरेको छ । प्रथम बीमा शुल्क १ अर्ब ७० करोड र नवीकरण शुल्क २ अर्ब ९४ करोड रुपैयाँ रहेको छ ।
सूर्य लाइफले नौ महिनाको अवधिमा ३ अर्ब २७ करोड रुपैयाँ बीमा शूल्क आर्जन गर्दा प्रथम बीमा शुल्क १ अर्ब ५८ करोड र नवीकरण बीमा शूल्क १ अर्ब ६९ करोड रुपैयाँ आर्जन गरेकोे छ ।
समितिका अनुसार गुँरास लाइफ इन्स्योरेन्सले यो अवधिमा ३ अर्ब ५ करोड रुपैयाँ बीमा शुल्क आर्जन गर्दा प्रथम बीमा शूल्क १ अर्ब ४२ करोड र नवीकरण शूल्क १ अर्ब ६३ करोड रुपैयाँ बीमा शुल्क आर्जन रहेको छ ।
प्राइम लाइफले ३ अर्ब १० करोड रुपैयाँ बीमा शूल्क आर्जन गर्दा प्रथम बीमा शुल्क १ अर्ब ८ करोड र नवीकरण बीमा शुल्क २ अर्ब रुपैयाँ रहेको छ भने वैदेशिक रोजगार तर्फ २ करोड रुपैयाँ बीमा शुल्क आर्जन गरेको छ ।
यस्तै आईएमई लाइफ इस्योरेन्सले १ अर्ब ८९ करोड रुपैयाँ बीमा शुल्क आर्जन गर्दा प्रथम बीमा शुल्क १ अर्ब १ करोड रुपैयाँ र नवीकरण बीमा शुल्क ८८ करोड रुपैयाँ रहेको छ ।
बीमा समितिका अनुसार यूनियन लाइफले ५ अर्ब १६ करोड रुपैयाँ बीमा शुल्क आर्जन गर्दा २ अर्ब ५२ करोड प्रथम बीमा शुल्क, २ अर्ब ६२ करोड रुपैयाँ नवीकरण बीमा शुल्क र वैदेशिक रोजगार बीमा शुल्क २ करोड रुपैयाँ आर्जन गरेको छ ।
ज्योति लाइफले माघ मसान्तसम्ममा २ अर्ब २८ करोड रुपैयाँ बीमा शुल्क आर्जन गर्दा प्रथम बीमा शुल्क १ अर्ब ४१ करोड र नवीकरण बीमा शुल्क ८७ करोड रुपैयाँ आर्जन गरेको छ ।
सन नेपाल लाइफ १ अर्ब ६८ करोड रुपैयाँ बीमा शुल्क आर्जन गरेकोमा प्रथम बीमा शुल्क ६९ करोड, नवीकरण बीमा शुल्क ७४ करोड रुपैयाँ र वैदेशिक रोजगार बीमाशुल्क २५ करोड रुपैयाँ आर्जन गरेको छ । यता रिलायन्स लाइफले १ अर्ब ९१ करोड रुपैयाँ बीमा शुल्क आर्जन गरेकोमा प्रथम बीमा शुल्क १ अर्ब १३ करोड र नवीकरण बीमा शुल्क ७८ करोड रुपैयाँ रहेको छ ।
रिलायबल लाइफले २ अर्ब ३२ करोड रुपैयाँ बीमा शुल्क आर्जन गर्दा प्रथम बीमा शुल्क १ अर्ब ७१ करोड र नवीकरण बीमा शुल्क ६० करोड रुपैयाँ संकलन गरेको छ भने वैदेशिक रोजगार बीमा शुल्क १ करोड रुपैयाँ आर्जन गरेको छ ।
सिटिजन लाइफले २ अर्ब ५४ करोड रुपैयाँ बीमा शुल्क आर्जन गर्दा १ अर्ब ४४ करोड प्रथम बीमा शुल्क र १ अर्ब ३ करोड नवीकरण बीमा शुल्क तथा ७ करोड वैदेशिक रोजगार बीमाशुल्क आर्जन गरेको छ ।
सानिमा लाइफले १ अर्ब ४८ करोड रुपैयाँ बीमा शुल्क आर्जन गर्दा ९६ करोड प्रथम बीमा शुल्क र ५२ करोड नवीकरण बीमशुल्क आर्जन गरेको छ । प्रभु लाइफ इन्स्योरेन्सले १ अर्ब १३ करोड रुपैयाँ बीमा शुल्क आर्जन गर्दा प्रथम बीमा शुल्क ७१ करोड र नवीकरण ४२ करोड रुपैयाँ रहेको छ ।
सबैभन्दा कम महालक्ष्मी लाइफ इन्स्योरेन्सले ६८ करोड रुपैयाँ बीमा शुल्क आर्जन गर्दा प्रथम बीमा शुल्क ४७ करोड नवीकरण बीमा शुल्क २० करोड रुपैयाँ र वैदेशिक रोजगार बीमा शुल्क १ करोड रुपैयाँ आर्जन गरेको समितिको तथ्याङकमा उल्लेख छ ।
वि.सं.२०७८ वैशाख १५ बुधवार १७:२२ मा प्रकाशित