काठमाडौं । श्रृजनशील लघुवित्त वित्तीय संस्थाले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ । कम्पनीले तेस्रो त्रैमासमा ४ करोड ९० लाख ७३ हजार रुपैयाँ नाफा कमाएको छ ।
कम्पनीको नाफा गत आवको सोही अवधिको तुलनामा १८६.५५ प्रतिशतले बढी हो ।गत आवको तेस्रो त्रैमासमा कम्पनीले १ करोड ७१ लाख नाफा कमाएको थियो ।
चालू आवको तेस्रो त्रैमासमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफा बढेको हो ।कम्पनीको चुक्तापूँजी ७ करोड रुपैयाँ पुगेको छ । जगेडा कोषमा ८ करोड ६ लाख ३६ हजार रुपैयाँ रहेको छ ।
कम्पनीले चालू आवको तेस्रो त्रैमाससम्ममा १ अर्ब १० करोड ३८ लाख रुपैयाँ सापटी लिएको देखिएको छ । कम्पनीले चैतमसान्तसम्म ६५ करोड ५६ लाख २८ हजार रुपैयाँ निक्षेप संकलन गरेको छ । १ अर्ब ८६ करोड ९७ लाख कर्जा लगानी गरेको छ ।
वि.सं.२०७८ वैशाख २३ बिहीवार १४:१८ मा प्रकाशित