काठमाडौं । साताको अन्तिम कारोबार दिन सेयर घटेको छ । आज बजार १२.४७ अंकले घटेको हो ।
बजार परिसुचक २६३७ अंकको बिन्दुमा पुगेर बन्द भएको छ । बैंकिङ समूह, फाइनान्स र लगानी समूह बाहेक सबै रातम्मे भएका छन् ।
बिहीवार ६ अर्ब ८१ करोड ९१ हजार रुपैयाँ बराबरको सेयर कारोबार भएको छ । उक्त दिन बैंकिङ समूह ७.११ अंक, फाइनान्स ३.८५ र लगानी समूह ०.१५ अंकले बढेको छ ।
यस्तै, व्यापार समूह ६२.९९ अंक, होटेल तथा पर्यटन ४४.४ अंक, डेभलपमेन्ट बैंक १३.८५, हाइड्रोपावर ४९.३९, निर्जीवन बीमा १३०.३१, माइक्रोफाइनान्स ६३.८५, जीवन बीमा २३९.३३, म्युचुअल फण्ड ०.०८ अंकले घटेको छ ।
आज दुई कम्पनीको सर्वाधिक कारोबार भएको छ । एचआईडीसीएल र एनसीसी बैंकको सबैभन्दा धेरै रकमको सेयर कारोबार भएको हो ।
आज एचआईडीसीएलको ४६ करोड ७४ लाख ३४ रुपैयाँ र एनसीसी बैंकको ४२ करोड ९४ लाख ५९ हजार रुपैयाँ बराबरको कारोबार भएको छ ।
वि.सं.२०७८ वैशाख २३ बिहीवार १५:०६ मा प्रकाशित
