काठमाडौं । हेलिकप्टर कम्पनीहरुले कोरोना संकमित यात्रु बोक्दा यात्रुको व्यवस्थापन एवम् चालक दल तथा अन्य संलग्न कर्मचारीहरुको स्वास्थ्य जोखिम बापत थप अतिरिक्त शुल्क लिने गरेको पाइएको छ ।
कोराना संकमित यात्रुलाई ओसारपसार गर्दा हेलिकप्टर कम्पनीले लिने गरेको अतिरिक्त शुल्कलाई अझ न्युन गर्न प्राधिकरणले सबै हेलिकप्टर कम्पनीहरुलाई निर्देशन दिईसकेको जनाएको छ ।
यस्तो उडानमा बिचौलिया मार्फत हुन सक्ने अवान्छित गतिविधिलाई कडाईका साथ नियन्त्रण गर्न सबै हेलिकप्टर कम्पनीलाई सम्पर्क कर्मचारी र टेलिफोन नम्बर समेत सार्वजनिक गर्न नागरिक उडड्यन प्राधिकरणले निर्देशन दिएको छ । यसमा कुनै किसिमको गुनासो भए प्राधिकरणका पदाधिकारीलाई सम्पर्क गर्न समेत आग्रह गरेको छ ।
विश्वव्यापी महामारीको रुपमा रहेको कोभिड-१९ को नयाँ भेरियन्टसहितको संक्रमण नेपालमा समेत तिव्र रुपमा बढिरहेकोले सोको रोकथाम, व्यवस्थापन तथा नियन्त्रणको लागि सरकारद्वारा नियमित आन्तरिक उडान बन्द गर्ने निर्णय समयमा कोराना सक्रमित बिरामी ओसारपसार तथा अन्य आकस्मिक उद्धार उडान सञ्चालन गर्दा हेलिकप्टर कम्पनीहरुले तोके भन्दा बढी भाडा लिएको भनी विभिन्न सञ्चार माध्यममा प्रकाशित समाचारप्रति प्राधिकरणको गम्भिर ध्यानाकर्षण भएको छ ।
वि.सं.२०७८ वैशाख २७ सोमवार १९:०९ मा प्रकाशित
