उपत्यका कोरोनाको हडस्पट
काठमाडौं । स्वास्थ्य तथा जनसंख्या मन्त्री हृदयेश त्रिपाठीले कोरोना खोपको नाममा एक पैसा पनि भ्रष्टाचार नभएको दाबी गर्नु भएको छ ।
मन्त्रालयले आयोजना गरेको पत्रकार सम्मेलनमा उहाँले यस्तो दाबी गर्नु भएको हो । खोप किनेको रकम सरकारले राष्ट्र बैंकमार्फत कम्पनीलाई सिधै पठाएको उहाँको दाबी छ ।
सरकारले उत्पादिक कम्पनीलाई सिधै भुक्तानी गरेका कारण चर्चामा आएजस्तो कमिशनको खेल नभएको र कसैलाई पनि कमिशन नदिएको बताउनुभयो । उहाँले कमिशनको विषयमा बोल्दा सबैलाई सोचेर, तथ्यमा आधारित भएर मात्रै बोल्न सुुझाव दिनुभएको छ ।
मन्त्री त्रिपाठीका अनुसार सुरुमा भारतले पहिला १० लाख खोप सहयोग गरेको र पछि चीनले ८ लाख अनुदानमा दिएको जानकारी गराउनुभयो ।
पुन भारतसँग ४ डलरका दरले २० लाख डोज खोप किनेको र त्यसका १० लाख डोज आएको छ र १० लाख आउन बाँकी रहेको जानकारी गराउनुभयो । उक्त उद्योगमा आगलागी र भारतका महामारी बढेको कारण आउन नसकेको बताउनुभयो ।
पोख ल्याउनका लागि अमेरिकी राजदुतसँग गम्भिर वार्ता भएको, रसियासँग पनि वार्ता भएको र बेलायतका रातदुतसँग कुरा भएको तर खोप आउन ढिला भएको जानकारी गराउनुभयो ।
मन्त्री त्रिपाठीका अनुसार अहिले सरकारले माग अनुसार अक्सिजनको व्यवस्था गर्न नसकेको बताउनु भएको छ । उहाँले अहिले विभिन्न अस्पतालमा बिग्रेका अक्सिजन प्लान्ट बनाउने काम सकिएको र लिक्वीड अक्सिजन बढाउने तर्फ लागेको जानकारी गराउनुभयो ।
मन्त्रालयले आयोजना गरेको पत्रकार सम्मेलनमा उहाँले नीजि क्षेत्रले दुई चार दिनमा नै अक्सिजन सिलिन्डर ल्याउने गरी काम अघिबढाएको पनि जानकारी गराउनुभयो ।
मन्त्रालयका अनुसार उपत्यका कोरोनाको हटस्पट बन्दै गएको छ । उपत्यका हटस्पट बन्दै गएपछि अस्पतालमा सिलिन्डर अभाव भएको र त्यसको लागि २० हजार सिलिन्डर चीनबाट सिलिन्डर ल्याउने तयारी भएको र आजै ६ सय नेपाल ल्याईएको छ ।
वि.सं.२०७८ वैशाख २८ मंगलवार १७:१६ मा प्रकाशित
