काठमाडौं । आज सेयर बजार १३ अंकले घटेको छ । बुधवार करिव १२ अर्ब बराबरको सेयर कारोबार भएको छ । उक्त दिन ११ अर्ब ९५ करोड ८० लाख ९७ हजार रुपैयाँ बराबरको कारोबार भएको छ ।
बुधावर पनि नेपाल पुनर्बीमा कम्पनीको सबैभन्दा धेरै सेयर खरिदबिक्री भएको छ । आज उक्त कम्पनीको ५५ करोड ६९ लाख १८ हजार रुपैयाँ बराबरको सेयर कारोबार भएको छ । कम्पनीको ३ लाख ३२ हजार ६७४ कित्ता सेयर खरिदबिक्री भएको हो ।
कारोबारकै आधारमा दोस्रो स्थान रहेको नेशनल लाइफ इन्स्योरेन्स कम्पनीको ४५ करोड ३४ लाख ७३ हजार रुपैयाँ बराबरको सेयर कारोबार भएको छ ।
यस्तै, सर्वाधिक कारोबार गर्ने कम्पनीहरु मध्ये नेशनल हाइड्रोपावरको ३० करोड ६० लाख ४० हजार रुपैयाँ बराबरको १४ लाख ६६ हजार ३३ कित्ता सेयर खरिदबिक्री भएको छ ।
त्यसैगरि राधी विद्युत कम्पनीको २९ करोड ७३ लाख ९० हजार रुपैयाँ बराबरको ३ लाख २२ हजार ९७० कित्ता, सगरमाथा इन्स्योरेन्सको २२ करोड ३५ लाख ७८ हजार बराबरको १ लाख ३० हजार ४९२ कित्ता र सेन्चुरी बैंकको १९ करोड २७ लाख २८ हजार रुपैयाँ बराबरको ७ लाख ३१ हजार ७२० कित्ता सेयर खरिदबिक्री भएको छ ।
यी हुन् आज सर्वाधिक कारोबार गर्ने कम्पनीहरु :
वि.सं.२०७८ जेठ ५ बुधवार १५:४६ मा प्रकाशित