काठमाडौं । पूर्व परराष्ट्र मन्त्री प्रदिप ज्ञवालीले मन्त्री पदबाट हटे लगत्तै सम्पती विवरण सार्वजनिक गर्नु भएको छ । करिब सवा तीन वर्ष परराष्ट्र मन्त्रीका रुपमा रहेका मन्त्री ज्ञवालीले आफ्नो सम्पती विवरण सार्वजनिक गर्नु भएको हो ।
उहाँले मन्त्रीपदबाट हट्दा आफ्नो खातामा ७ लाख ४१ हजार ७७५ रुपैयाँ ६० पैसा बचत रहेको छ । उहाँका अनुसार यो अवधिमा केही घरायशी सामान र दुई सय जति पुस्तक थपिएको छ । यो बाहेक मन्त्री बने लगत्तै सार्वजनिक आफ्नो सम्पत्ति विवरणमा कुनै फेरबदल नभएको जानकारी गराउनुभएको छ ।
यो अवधिमा आफुले विदेश भ्रमण बापतको लेभी ३ लाख १४ हजार ९३० र पारिश्रमिक बापत्को लेभी ६ लाख २० हजारसहित ९ लाख ३४ हजार ९३० रुपैयाँ पार्टी खातामा जम्मा भएको र पारिश्रमिकको कर कट्टीबापत ३ लाख ७२ हजार ४९१ रुपैयाँ १३ पैसा सरकारी कोषमा दाखिला भएको जानकारी गराउनु भएको छ ।
उहाँले आफुुले प्रयोग गर्दै आएका सवारी साधन र ल्यापटप (म्याकबुक प्रो) हिजै मन्त्रालयलाई फिर्ता गरेको आज पुल्चोक स्थित सरकारी निवास छोडेको जानकारी गराउनु भएको छ ।
वि.सं.२०७८ जेठ २२ शनिवार १७:१६ मा प्रकाशित
