काठमाडौं । सरकारले बालुवाटारस्थित ललिता निवास जग्गा प्रकरणमा नाम जोडिएका ४९ जनाविरुद्ध २१ दिने सूचना निकालेको छ । भूमिसुधार तथा मालपोत कार्यालय काठमाडौंले आइतबार उक्त सूचना निकालेको हो ।
२०७७ साल चैत २० को भूमिसुधार कार्यालयको आदेशअनुसार ४९ जनाको घरमा सूचना प्रकाशित गर्न जाँदा घर ठेगाना पत्ता नलागी म्याद तामेल हुन नसकेको भन्दै आइतबार यस्तो सूचना निकालेको हो ।
सूचनामा उक्त जग्गा सरकारको नाममा ल्याउनु नपर्ने कारण भए २१ दिनभित्र पेस गर्न भनेको छ । सम्बन्धित जग्गाधनीले २१ दिनभित्र जवाफ नदिए त्यो जग्गा सरकारको नाममा नामसारी हुने सूचनामा उल्लेख छ ।
वि.सं.२०७८ जेठ २३ आइतवार १२:५३ मा प्रकाशित
