काठमाडौं । उपप्रधान तथा अर्थमन्त्री बिष्णु प्रसाद पौडेलले चुरे क्षेत्रमा डोजर त के कुटो, कोदालोले खोर्सन समेत नदिने बताउनुभएको छ ।
नेपाल वातावरण पत्रकार समूह (नेफेज)ले आयोजना गरेको अन्तकृया कार्यक्रममा उहाँले यस्तो बताउनुभएको हो ।
कार्यक्रममा उहाँले चुुरे क्षेत्रबाट एक डोको बालुवा र एक डोको दाउरा समेत निकाल्ने नदिने जानकारी गराउनुभयो । अहिले कतिपयले राजनीति गर्ने विषय नपाएका कारण चुरेलाई लिएर राजीनित गर्न थालेको भन्दै चुरलाई राजनीतिक गर्ने विषय नबनाउन समेत आग्रह गर्नुभयो । चुरेको संरक्षण सबै नेपालीको दायित्व रहेको भन्दै यो दायित्वमा आफू अझै दरोसँग लाग्ने बताउनुभयो ।
अहिले सिद्धबाबा सुरुङ मार्ग बनाउने तयारी हुँदा हुँदै पनि केहीले त्यहाँको डाँडो खन्न लागेको भनेर चर्चा सुरु भएको भन्दै त्यो सबै गलत भएको बताउनु भयो । उहाँले डाँडा नबिगारी सुरुङ मार्ग बनाउने सरकारको तयारी रहेको उहाँको भनाइ छ । चुरे बचाउनको लागि यो सरकार लागि परेको भन्दै यो सरकार पूर्वदेखी पश्चिमसम्मको सबै पहाड जोगाउने र सिद्धबाबाको डाडाँ पनि खन्न नदिने जानकारी गराउनुभयो ।
सरकारले खानीको संरक्षण गर्ने तयारीमा रहेको समयमा बजेटको १९९ बुँदाले आजै बाट निकासी गरौ भनेर नभनेको समेत जानकारी गराउनु भयो ।
कार्यक्रममा अर्थ सचिव शिशिर ढुंगाना बजेटले चुरे नभनेको तर जहाँ सम्भावना छन् वैज्ञानिक, भौगर्भिक रुपमा जहाँ योग्य त्यो क्षेत्रलाई मात्रै इगित गर्न खोजेको जानकारी गराउनु भयो । उहाँले आन्तरिक आवश्यकतालाई पुर्ती गरेर मात्रै निर्यात गर्नुपर्ने जाकारी गराउनुभयो ।
बजेटको १९९ बुँदामा नीतिगत उद्घोष रहेको भन्दै यसको लागि नीति, नियमन बनाएर कार्यान्व्यन गर्ने सोचमा सरकार रहेको जानकारी गराउनु भयो ।
कार्यक्रममा वाताबरण विद बिनोद भट्टले हिमाल शिर हो, चुरे पाइताला भएको भन्दै हाम्रो पाइताला नै काटियो भने कसरी बाचिन्छ भन्दै प्रश्न गर्नुभयो । निकासी बन्द गर्दा त सरकारले केही गर्न सकेको नसकेको बेला निर्यात खोल्दा चुरे नजोगिने धारणा राख्नुभयो ।
पूर्व अर्थ सचिव रामेश्वर खनालले ढुंगागिटी बेचेर अर्थतन्त्र बलियो बनाउन नसकिने धारणा राख्नुभयो । यसले ब्यापार घाटा कम गर्न नसक्ने र खानीको व्यवस्था नगरे संकटमा जान सक्ने तर्फ इगित गर्नुभयो । यसले पाउने लाभ भन्दा पर्ने क्षती बढने उहाँको तर्क छ ।
उहाँले सिमेन्ट उत्पादन गर्ने कम्पनी भएजस्तो टढुंगा, गिटीको लागि पनि उद्योग आवश्यक रहेको बताउनु भयो । ‘सरकारले बरु हरेक प्रदेशमा १,१ वटा उद्योग बनाओस’ उहाँले भन्नुभयो ‘हामीले १० वर्षको अवधिमा गफ मात्रै गर्यौ । यसलाई कम्पनीको मोडलमा लगेर व्यवसायिक रुपमा काम गरौ ।’ अब औद्योगिक रुपमा जान आवश्यक रहेको उहाँको तर्क छ । अब अर्थ मन्त्रालयलले निर्यात गर्न नदिने भनेर विज्ञप्ति जारी गर्न आवश्यक रहेको उहाँको भनाइ छ ।
कार्यक्रममा चुरे विकास समितिका अध्यक्ष डा.किरण पौडेलले सरकारले ल्याएको बजेटमा १९९ बाहेक सबै विषय जनताबाट अनुमोदन भएको बताउनु भयो । चुरे दोहनमा १९९ बुँदाले नछुने बताउनु भयो । चुरे दोहन कुनै पनि हालतमा हुन नदिने उहाँको भनाइ छ ।
चुरे विकास समितिले एक्साभेटर बार्षिक १ सय १० मिलियन मिटर क्यूब बार्षिक निकाल्न नसकेको खण्डमा बाढी पस्ने गर्दछ । गण्डकी प्रदेशबाट बार्षिक १ सय १३ लाख मिलियन मिटर क्यूब उत्पादन हुने र यो सबै नेपालमा प्रयोग भएर पनि ४० प्रतिशत निर्यात गर्न सकिने समेत जानकारी गराउनु भयो ।
वि.सं.२०७८ जेठ २६ बुधवार ११:३४ मा प्रकाशित
