काठमाडौं । आज असार १ गते सबै प्रदेशले आगामी आर्थिक वर्ष २०७८-७९ को (आय व्ययको अनुमानित विवरण) ल्याउने भएका छ्न् ।
संवैधानिक व्यवस्था अनुसार नै जेठ १५ गते संघले आगामी आवको बजेट पेश गरेपछि प्रदेशले आज (असार १गते) प्रदेश सभामा आगामी आवको लागि बजेट पेश गर्न लागेका हुन् ।
आज प्रदेश सभामा बजेट पेश गर्नु पर्ने भएपनि राजनीतिक अस्थिरताका कारण गण्डकी र कर्णाली प्रदेशले बजेट अघि प्रस्तुत गरेर पारित गर्नुपर्ने नीति तथा कार्यक्रम अझै पनि पारित गर्न सकेका छ्रनन् । बाँकी प्रदेशले पारित गरिसकेका छन् ।
यी दुवै प्रदेशले पनि आजै आगामी आवको नीति तथा कार्यक्रम पारित गरेर आगामी आवको लागि बजेत पेश गर्नेछन् । आगामी आवको बजेटमा प्राय प्रदेशले कृषि उत्पादनमा जोड दिने तथा रोजगारी वृद्धिका साथै स्वास्थ्य क्षेत्रलाई प्राथमिकतामा राखेर बजेट ल्याउने तयारी गरिरहेका छन् ।
वि.सं.२०७८ असार १ मंगलवार ११:२७ मा प्रकाशित