काठमडौं । सूर्या लाइफ इन्स्योरेन्स कम्पनीले व्यतित बीमालेखमा ब्याज छुट दिएको छ । कम्पनीले एक सुचना निकाल्दै विभिन्न अवधिको व्यतित बीमालेखमा ब्याज छुटको व्यवस्था गरेको जनाएको छ ।
आजैदेखि (असार ३ गते) १५ गतेसम्म उक्त छुट लागू हुने कम्पनीले जनाएको छ । कम्पनीका अनुसार तिनुपर्ने मितिले २ वर्षभित्र व्यतित भएको बीमालेखको हकमा ५० प्रतिशत ब्याज छुटको व्यवस्था गरेको हो ।
यस्तै, २ वर्षदेखि ३ वर्षभित्र व्यतित भएको बीमालेखको हकमा ४५ प्रतिशत र ३ वर्षभन्दा बढी व्यतित भएको हकमा ३५ प्रतिशत ब्याज छुटको व्यवस्था रहेको कम्पनीले जनाएको छ ।
साथै कनेक्ट आईपीएस, खल्ती, ईसेवा, प्रभु पे, फोनपे, सेल पे र आइएमई पे लगायतका विद्युतीय माध्यमबाट पनि नविकरण शुल्क भुक्तानी गर्न सकिने व्यवस्था मिलाइएको जनाएको छ ।
वि.सं.२०७८ असार ३ बिहीवार ११:४४ मा प्रकाशित
