काठमाडौं । सिद्धार्थ इन्स्योरेन्सले आजदेखि सेयरधनीको हितग्राही खातामा अद्यावधिक भएको बैंक आतामा नगद लाभांश पठाउन सुरु गरेको छ ।
कम्पनीले आर्थिक वर्ष २०७६/७७ को मुनाफाबाट चुक्त पुँजीको ३.७८९४ प्रतिशतका दरले नगद लाभांश पठाउन सुरु गरेको हो । उक्त लाभांश जेठ २८ गते सम्पन्न कम्पनीको १९औँ वार्षिक साधारणसभाबाट पातिर भएको थियो ।
साथै साधारणसभाबाट पारित भएको १२ प्रतिशत बोनस सेयर सूचीकरण भए पश्चात सम्वन्धित सेयरधनीको खातामा जम्मा गरिदिने सूचनामा उल्लेख छ ।
साधारणसभा प्रयोजनका लागि सेयर दाखिला बन्द हुने मितिसम्ममा कायम रहेका सेयरधनीहरुको हितग्राही बैंक खाताको विवरण अद्यावधिक भएको हकमा नगद लाभांश वापतको रकम सोही खातामा नै जम्मा गर्ने व्यवस्था गरिएको कम्पनीले जनाएको छ ।
कम्पनीबाट आव २०७४/७५ मा पारित भएको बोनस सेयरको कर बापत को रकम जम्मा गर्न बाँकी रहेका सेयरधनीहरुको कर बापतको रकम यसै नगद लाभांशबाट कट्टा गरि बाँकी रकम मात्र भुक्तानी गरिएको छ ।
नगद लाभांशाबाट नपुग हुनेको हकमा सो रकम कट्टा नगरिएको कम्पनीले जनाएको छ । कम्पनीको सेयर रजिष्ट्रारमा एनएमबि क्यापिटल रहेको छ ।
वि.सं.२०७८ असार ३ बिहीवार १२:४२ मा प्रकाशित
