काठमाण्डौं । श्रम तथा रोजगार मन्त्रालयले कामदारको विदेश यात्रालाई सुरक्षित बनाउन भन्दै छुट्टै सुनवाइ संयन्त्र ‘र्यापिड रेस्पोन्स टिम’ स्थापना गरेको छ ।
टिमलाई अहिले विशेष गरेर महिला कामदारको उद्धारको जिम्मेवारी दिइएको छ । मन्त्रालयमै स्थापना गरिएको सह-सचिव आभा श्रेष्ठको नेतृत्वमा बनेको ५ जनाको टीमले विदेशमा अलपत्र परेकाहरुको सूचना संकलन गर्नेछ भने उद्धारका लागि शीघ्र पहल पनि गर्नेछ ।
टिमले हिजो मंगलबारदेखि नै काम थालिसकेको छ । विदाको दिनबाहेक कार्यालय समयमा विदेशमा उद्धारको प्रतिक्षामा रहेका महिलाहरुले ९७७०१-४२११८८९ मा फोन गर्न सक्नेछन् । यस्तै टिमको इमेल ठेगाना [email protected] मा पनि पीडितले सूचना गर्न सक्छन् ।
यसलाई भविष्यमा २४ घण्टा नै विदेशमा अलपत्र परेका र ठगिएका कामदारको गुनासो सुन्ने र संयन्त्रका रुपमा विकास गर्ने मन्त्रालयको योजना छ ।
१९ जेठ २०७३, १।००
वि.सं.२०७३ जेठ १९ बुधवार १४:३८ मा प्रकाशित