काठमाडौं । माछापुच्छ्रे बैंकले ऋणपत्र निष्काशनका लागि अनुमति पाएको छ । नेपाल धितोपत्र बोर्ड ३ अर्ब रुपैयाँ बराबरको ऋणपत्र निष्काशन गर्नका लागि बैंकले अनुमति दिएको हो ।
बैंकले प्रतिकित्ता १ हजार रुपैयाँको दरमा ३० लाख कित्ता ऋणपत्र निष्काशन गर्नका लागि असार १६ गते बोर्डबाट अनुमति पाएको हो ।
बैंकले १० वर्ष अवधिको ८.५० प्रतिशत व्याजदर भएको ऋणपत्रको निष्काशन तथा बिक्री प्रबन्धकमा नबिल इन्भेष्टमेन्ट बैंकिङ्ग रहेको छ ।
कुल निष्काशन ऋणपत्रमध्ये बैंकले १२ लाख कित्ता सर्वसाधारणका लागि र १८ लाख कित्ता व्यक्तिगत पहलमा अन्य संघसंस्थालाई बिक्री गर्ने जनाएको छ ।
वि.सं.२०७८ असार १६ बुधवार १८:५० मा प्रकाशित
