काठमाडौं । केन्द्रिय अनुसन्धान ब्यूरो (सीआईवी)ले बैंकिङ्ग कसूर मुद्दामा फरार बुढानिलकण्ठ नगरपालिका ७ बस्ने लाक्पा लामालाई पक्राउ गरेको छ ।
उच्च अदालत पाटनले बैंकिङ्ग कसूर मुद्दामा ७ दिन कैद १५ लाख रुपैयाँ जरिवाना हुने ठहर भएको र उक्त सजाय वेरुजू लामा फरार रहेका थिए ।
लामालाई सीआईवीले मंगलबार काठमाडौं चक्रपथबाट पक्राउ गरि जिल्ला अदालत काठमाडौंमा पेश गरेको छ ।
लामाले २०७५ सालमा पर्याप्त मौज्दात रकम नभएको भन्ने जानी जानी झुक्यानमा पारी आफ्नै नाममा रहेको खाताबाट भुक्तान हुने गरी पीडितलाई १५ लाख रुपैंया बराबरको चेक काटी दिएका थिए ।
वि.सं.२०७८ असार २२ मंगलवार १४:२३ मा प्रकाशित
