काठमाडौं । नेपाल एसबिआई बैंकले हितग्राही खाताको वार्षिक संचालन शुल्क बुझाउनका लागि अनुरोध गरेको छ ।
बैंक एक सूचना निकाल्दै बैंकमा आर्थिक वर्ष २०७६/७७ सम्म हितग्राही खाता (डिम्याट) खोलेका खातावालाहरुलाई वार्षिक संचालन शुल्क बुझाउन भनेको छ ।
प्रत्येक आर्थिक वर्षको १ सय रुपैयाँका दरले असार मसान्तसम्म भित्र उक्त संचालन शुल्क बुझाउनुपर्ने भनिएको छ । उक्त शुल्क अनलाइन पेमेन्ट सोलुशन कनेक्ट आईपीएस, इसेवा, खल्ती, प्रभु पे, आइएमई रेमिटबाट शुल्क बुझाउन सकिने बैंकले जनाएको छ ।
हालसम्म पनि मेरो सेयर सेवा नलिएका हितग्राहीहरुले बैंकको सेयर रजिष्ट्रार नेपाल एसबिआई मर्चेण्ट बैंकिङ कार्यालय हात्तिसार वा नजिकैको रहेको बैंकको शाखा कार्यालयमा सम्पर्क राखी शुल्क बुझाउनुपर्ने सूचनामा उल्लेख छ ।
तोकिएको समयावधिमा खाता संचालन शुल्क भुक्तानी नभएको अवस्थामा हितग्राहीहरुको डिम्याट खाता रोक्का हुने बैंकले जनाएको छ ।
वि.सं.२०७८ असार २५ शुक्रवार ११:३० मा प्रकाशित
