काठमाडौं । प्रिमियर इन्स्योरेन्स कम्पनी (नेपाल) संस्थापक समूहको सेयर आजदेखि लिलामीमा बिक्री खुला भएको छ ।
एक सूचना निकाल्दै कम्पनीको संस्थापक समूहको ५ लाख ४८ हजार २५ कित्ता सेयर आजदेखि लिलामीमा बिक्री खुला भएको जनाएको छ ।
उक्त सेयरको प्रतिकित्ता न्यूनतम मूल्य ५५० रुपैयाँ तोकिएको छ । सेयर खरिद गर्न योग्य इच्छुक विद्यमान संस्थापहरुले वा जो कोही व्यक्ति, कम्पनी, संघ/संस्थाले साउन ८ गतेभित्र आवेदन दिन सक्ने छन् ।
सेयर खरिदका लािग तोकिएको न्यूनतम मूल्य वा उक्त मूल्य भन्दा बढी अंकित गरी आवेदन पेश गर्नुपर्ने सूचनामा उल्लेख छ ।
सेयर खरिद गर्दा न्यूनतम ५ सय कित्ताका लागि आवेदन दिनुपर्ने छ भने अधिकतम सेयर सख्याका लागि कुनै हद नलाग्ने कम्पनीले जनाएको छ । बिक्री प्रबन्धकमा एनआईसी एशिया क्यापिटल रहेको छ ।
विस्तृतका लागि हेर्नुहोस् सूचना:
वि.सं.२०७८ असार २७ आइतवार १२:१० मा प्रकाशित