काठमाडौं । प्रहरीप्रधान कार्यालय केन्द्रीय अनुसन्धान ब्यूरोले पाना पठाउने भन्दै ठगी गर्ने व्यक्तिलाई पक्राउ गरेको छ ।
उदयपुर घर भई काठमाडौंको टोखानगरपालिका–१० बस्ने ३४ वर्षीय गणेश राउत भनिने लोक बहादुर राउतलाई ब्यूरोले पक्राउ गरेको हो ।
राउतले वैदेशिक रोजगारीको सम्पूर्ण मापदण्ड पुरा गरी पाना पठाउने भन्दै पटक पटक गरी १८ लाख ३५ हजार रुपैयाँ लिई सम्पर्क बिहीन भएका थिए ।
नक्कली इ–भिसा समेत बनाई सम्पर्क बिहीन रहेका राउतलाई सोमबार सामाखुसीबाट पक्राउ गरेको हो । उनलाई वैदेशिक रोजगार सम्वन्धी ठगी कसूरमा कानुन बमोजिम कारवाहीका लागि विभागमा पठाइएको प्रहरीले जनाएको छ ।
वि.सं.२०७८ असार २८ सोमवार १७:३६ मा प्रकाशित
