काठमाडौं । प्रधामन्त्री केपी शर्मा ओलीले आफु जनताको जनादेशको कारण नभएर परमादेशका कारण सरकार छोडन लागेको बताउनु भएको छ ।
मंगलबार देशबासीको नाममा सम्बोधन गर्ने क्रममा उहाँले यस्तो बताउनु भएको हो । उहाँका अनुसार जनादेश आफ्नो पक्षमा भएपनि सर्वोच्चको परमादेश देउवाको पक्षमा भएका कारण आफू बाहिरिन लागेको बताउनु भयो ।
उहाँका अनुसार आफू सरकारबाट बाहिरिँदा कुनै पनि चिन्ता नरहेको धारणा राख्नुभयो । उहाँले आफू सरकारमा हुँदा देश र जनताको लागि इमान्दारिताको रुममा काम गरेको धारणा राख्नुभयो ।
उहाँले छोटो समयमा नै नागरिकलाई खोपको व्यवस्था गरेको र २०२१ भित्र धेरैलाई खोप लगाउने बताउनुभयो ।
उहाँले आफूलाई लोकतन्त्रको क्षती होला की भन्ने चिन्ता रहेको धारणा राख्नुभयो । ओलीले एउटै दलका सदस्य सरकार र प्रतिपक्षी बनेको भन्दै राजनीतिक जोडिएको विषयमा अदालत अधिक सयमित हुन आवश्यक रहेको बताउनुभयो ।
वि.सं.२०७८ असार २९ मंगलवार १४:३३ मा प्रकाशित
