काठमाडौं । माछापुच्छ्रे बैंकको ऋणपत्र बिक्री खुला भएको छ । बैंकको एक हजार रुपैयाँका दरले ३ अर्ब रुपैयाँ ३० लाख इकाई ऋणपत्र आज (३१ गते) देखि बिक्री खुल्ला भएको हो ।
३० लाख ऋणपत्रमा १८ लाख बैंक आफैले विभिन्न संघ संस्थालाइ बिक्री गर्ने जनाएको छ भने १२ लाख इकाइमा सर्वसाधारणले आवेदन दिन सक्नेछन् । १२ लाख इकाइमध्ये ६० हजार इकाइ सामूहिक लगानी कोषका लागि छुट्याइएको छ भने ११ लाख ४० हजार इकाईमा सर्वसाधारणले खरिद आवेदन दिन पाउनेछन् ।
१० वर्ष अवधिको ऋणपत्रमा वार्षिक ८.५ प्रतिशत ब्याजदर रहेको छ । यसको निष्कासन तथा बिक्री प्रबन्धकमा नबिल इन्भेस्टमेन्ट बैंकिङ रहेको छ । ऋणपत्रमा न्यूनतम २५ देखि अधिकतम ५ लाख इकाइसम्म आवेदन दिन सकिनेछ ।
ऋणपत्रमा साउन ४ गतेसम्म आवेदन दिन सकिने छ । उक्त अवधिमा माग अनुसार आवेदन नपरेको खण्डमा साउन १७ गतेसम्म आवेदन दिन सकिनेछ । ऋणपत्रमा आस्बा सदस्य रहेका बैंक तथा वित्तीय संस्था र मेरो सेयरबाट आवेदन दिन सकिने छ ।
वि.सं.२०७८ असार ३१ बिहीवार १०:०० मा प्रकाशित