काठमाडौं । बालुवाटार जग्गा प्रकरणमा नेपाली कांग्रेसका उपसभापति विजयकुमार गच्छदारलाई धरौटीमा रिहा गरिएको छ ।
आज विशेष अदालतको थुनछेक बहसपछि पूर्वउपप्रधानमन्त्री समेत रहेका गच्छदारलाई १० लाख रुपैयाँ धरौटी बुझाएर रिहा गरिएको हो ।
बालुवाटारको ११३ रोपनी सरकारी जग्गा व्यक्तिको बनाई भ्रष्टाचार गरेको आरोपमा गच्छदारविरुद्ध विशेष अदालतमा २०७६ माघ २२ गते भ्रष्टाचार मुद्दा दायर भएको थियो।
दायर गरेको मुद्धामा पटक–पटक मुद्दाको म्याद बुझ्न भनिए पनि अस्वीकार गर्दै आएका गच्छदारलाई ‘फरार’ सूचीमा राखिएको थियो । बुधबार विहान गच्छदार आफैं विशेष अदालत पुगेर थुनछेक बहसमा सहभागी भएका थिए ।
वि.सं.२०७८ असार ३० बुधवार १८:२४ मा प्रकाशित
