काठमाडौं । प्रहरी प्रधान कार्यालय केन्द्रीय अनुन्धान ब्यूरोले चर्को मिटर ब्याजीलाई पक्राउ गरेको छ । प्रहरी दोलाखा घर भई हा ललितपुरको भैसेपाटीमा बस्दै आएका गणेश उप्रेतिलाई पक्राउ गरेको हो ।
उप्रेतिले भक्तपुरका ४० वर्षीय प्रकाशन कार्की र कोटेश्वर बस्ने ६० वर्षीय हेमरा गुभाजुलाई विभिन्न मितिमा व्यक्ति कामका लागि रकमबाट चर्को ब्याज असुली गरेका थिए ।
उनीहरुबाट उप्रेतिले पटक पटकमा ८ करोड ३० लाख रुपैयाँ रकमको चेक लिई उक्त रकम नदिएमा ज्यान मार्ने धम्की , डर त्रास, बाहिर हिँडडुल घुमफिर गर्न बन्देज गराएका आरोप छ ।
प्रहरीले साउन १ गते काठमाडौं महानगरपालिका–७ चावहिल, मित्रपार्क स्थित द्रिशान्त अटोमोबाइल्सबाट उप्रेतिलाई पक्राउ गरेको थियो ।
साथै प्रहरीले उनको साथबाट विभिन्न व्यक्तिका नाममा रहेको १९ करोड १३ लाख ६१ हजार ८६० बराबर चेक समेत बरामद गरेको छ ।
उनले अन्य व्यक्तिहरलाई समेत चर्को मिटर ब्याजमा रकम दिने गरेका थिए । उप्रेतिमाथि थप अनुसन्धान भईरहेको प्रहरीले जनाएको छ ।
वि.सं.२०७८ साउन ३ आइतवार १७:४७ मा प्रकाशित
