काठमाडौं । गत वर्ष निर्जीबन बीमा कम्पनीलाई व्यवसाय विस्तारमा कोरोना महामारीले कतै पनि अवरोध गरेन । अन्य क्षेत्रमा कोरोनाले निकै आक्रान्त बनाएपनि बीमा क्षेत्रमा भने कोरोनाले धेरै असर पारेन । बीमा क्षेत्रमा कोरोनाको पहिलो तथा दोस्रो लहरले कुनै पनि असर नपरेको तथ्याङकले देखाएको छ ।
गत आर्थिक वर्ष २०७७÷७८ को असार मसान्तसम्म निर्जीवन बीमा कम्पनीहरुले ३१ अर्ब ७० करोड बीमाशुल्क संकलन गरेका छन् । कोरोना महामारीको दोस्रो भेरियन्ट रहेको समयमा अर्थात असार महिनामा मात्रै ३ अर्ब ५० करोड रुपैयाँ बीमाशुल्क संकलन गरेका हुुन् ।
आव २०७७÷७८ मा सबैभन्दा बढी बीमाुशल्क संकलन गर्नेमा शिखर इन्स्योरेन्स रहेको छ । इन्स्योरेन्सले ३ अर्ब ९७ करोड रुपैयाँ बीमाशुल्क संकलन गरेको छ । कम्पनीले असार महिनामा मात्रै ५० करोड बीमाशुल्क संकलन गरेको बीमा समितिले जनाएको छ ।
यस्तै गत आवको अन्तिमसम्ममा सबैभन्दा कम बीमाशुल्क संकलन गर्नेमा जनरल इन्स्योरेन्स र सानिमा जनरल इन्स्योरेन्स रहेका छन् । यी कम्पनीले ६५÷६५ करोड रुपैयाँ बीमाशुल्क संकलन गरेका छन् ।
असार मसान्तसम्म सगरमाथा इन्स्योरेन्सले २ अर्ब ६५ करोड, नेको इन्स्योरेन्सले २ अर्ब ४१ करोड, सिद्धार्थ इन्स्योरेन्सले २ अर्ब ३२ करोड, एनएलजीले २ अर्ब ८ करोड रुपैयाँ बीमाशुल्क संकलन गरेका छन् ।
त्यसैगरि नेपाल इन्स्योरेन्स कम्पनीले १ अर्ब २७ करोड, दि ओरिन्टल इन्स्योरेन्सले १ अर्ब १६ करोड रुपैयाँ, नेशनल इन्स्योरेन्सले ८७ करोड, हिमालयन जनरल इन्स्योरेन्सले १ अर्ब ३० करोड, युनाईटेड १ अर्ब ५ करोड, प्रिमियर इन्स्योरेन्सले १ अर्ब ९० करोड, एभरेष्ट इन्स्योरेन्सले १ अर्ब १ करोड, प्रभु इन्स्योरेन्सले १ अर्ब ३५ करोड, आइएमई जनरलको १ अर्ब ५२ करोड रुपैयाँ बीमाशुल्क संकलन गरेका छन् ।
आव २०७७÷७८ को असार मसान्तसम्म प्रुडेसियल इन्स्योरेन्सले १ अर्ब २८ करोड, लुम्बिनीले १ अर्ब ३६ करोड, राष्ट्रिय बीमा कम्पनीले १ अर्ब ६३ करोड, अजोड इन्स्योरेन्सले १ अर्ब २७ करोड रुपैयाँ बीमाशुल्क संकलन गरेका हुन् ।
आव २०७७÷७८ को असार मसान्तसम्म निजीवन बीमा कम्पनीहरुको कुल चुक्तापुँजी १९ अर्ब २८ करोड रुपैयाँ रहेको छ । उक्त अवधिमा कम्पनीहरुको जारी बीमालेखको संख्या भने २७ लाख ३१ हजार ७७३ पुगेको छ । गत असार महिनामा मात्रै ३ लाख २९ हजार २९६ बीमालेख जारी गरेका छन् ।
वि.सं.२०७८ साउन ६ बुधवार १७:३५ मा प्रकाशित
