काठमााडौं । आजदेखि नबिल बैंकको ऋणपत्र निष्काशन तथा बिक्री खुला भएको छ । बैंकले वार्षिक ८ प्रतिशत ब्याजदरको ऋणपत्र आजदेखि बिक्री खुला निष्कासन गर्ने भएको हो ।
बैंकले ३ अर्ब रुपैयाँ बराबरको ३० लाख कित्ता ऋणपत्र निष्काशन तथा बिक्री खुला गर्न लागेको हो । ७ वर्षे अवधि रहेको उक्त ऋणपत्र बैंकले प्रतिकित्ता १ हजार रुपैयाँ दर अंकित गरि बिक्री गर्न लागेको छ ।
कुल ऋणपत्रमध्ये १ अर्ब २० करोड रुपैयाँ बराबरको १२ लाख कित्ता सर्वसाधारणलाई बिक्री गर्ने छ । त्यसमध्ये ६० हजार कित्ता सामूहिक लगानी कोषका लागि छुट्याएको छ ।
बाँकी १ अर्ब ८० करोड रुपैयाँ बराबरको १८ लाख कित्ता व्यक्तिगत तवरबाट बिक्री गर्ने बैंकले जनाएको छ । उक्त ऋणपत्र खरिदका लागि न्युनतम २५ कित्तादेखि अधिकतम सम्पूर्ण कित्ताका लागि आवेदन दिन सक्ने बैंकले जनाएको छ ।
उक्त ऋणपत्रमा साउन १३ गतेसम्म आवेदन दिनुपर्ने छ । उक्त अवधिममा पूर्ण आवेदन नपरेको खण्डमा थप एकदिन गरि साउन १४ गतेसम्म दिन सकिने छ ।
बैंकको ऋणपत्र निष्कासन तथा बिक्री प्रबन्धक हिमालयन क्यापिटल लिमिटेड रहेको छ ।
वि.सं.२०७८ साउन १० आइतवार १०:२० मा प्रकाशित
