काठमाडौं । सेयर बजारमा सामान्य करेक्सन देखिएको छ । बजारमा करेक्सन देखिएपनि कारोबार रकम भने बढेको छ ।
निकै उतार चढाबका बीच बजारमा करेक्सन देखिएको हो । आइतबारको कारोबारमा बैंकिङ समूहमा लगानीकर्ता झुुम्मिँदा बजार बढेको थियो । सोमबार बैंकबाट लगानीकर्ता अन्यत्र लाग्न थालेपनि बजारमा गिरावट देखिएको छ ।
बजार मापन गर्ने सूचक ८.२४ अंकले घटेर ३०५०.४२ बिन्दुमा रोकिएको छ । २२३ कम्पनीको ३ करोड ७० लाख ६१ हजार ४४७ कित्ता सेयर १४ अर्ब १३ करोड ९७ लाख ८५ हजार ४३१ रुपैयाँको सेयर किनबेच भएको छ । कारोबारमा अधिकांश समूहको उपसूचकम सुधार देखिएको छ ।
केहीमा भने गिराट देखियो । सोमबारको कारोबारमा बैंकिङ समूहको उपसूचक ४३.५, विकास बैंक ३४.३८, अन्य समूहको उपसूचक १०.५१ अंकले घट्दा जलविद्युत १०२.६५, फाइनान्स कम्पनी ६५.५३, निर्जीबन बीमा १४.९३, उत्पादन तथा प्रशोधन ८४.६८, माइक्रोफाइनान्स ९८.१, जीवन बीमा समूहको उपसूचक ६८.७ अंकले बढेको छ । कारोबारमा ७ वटा कम्पनीको सेयर मूल्यमा सकारात्मक सर्किट लागेको छ । जसमा बिशाल बजार कम्पनी, जानकी फाइनान्स, रिडी हाईड्रोपावर, माउन्टेन हाईड्रो लगायत रहेका छन् ।
वि.सं.२०७८ साउन ११ सोमवार १५:१३ मा प्रकाशित
