काठमाण्डौं । लघुवित्त बैंकहरूले ऋणको ब्याज घटाएर २० प्रतिशतमा झारेका छन् । लघुवित्त बैंकहरूको छाता संगठन नेपाल लघुवित्त बैंकर्स संघको आग्रहमा उनीहरूले ब्याज घटाएका हुन् ।
यसअघि लघुवित्त बैंकहरूले २४ प्रतिशतसम्म ब्याज लिँदै आएका थिए । केही दिनअघि बसेको बैठकले २० प्रतिशतभन्दा बढी ब्याज लिन नपाइने निर्णय गरेको हो ।
यो निर्णय संघ अन्तर्गतका लघुवित्त बैंकहरूलाई मात्र लागू हुने छ । लघु वित्तीय सेवा दिइरहेका गैरसरकारी संस्था (फिङ्गो) र सहकारी संस्थालाई यो निर्णय लागू हुँदैन । हाल मुलुकभर ४१ वटा लघु वित्त बैंकहरू भए पनि ३५ वटा मात्र संघमा आबद्ध छन् ।
२४ जेठ २०७३, ९।००
वि.सं.२०७३ जेठ २४ सोमवार १२:३२ मा प्रकाशित