काठमाडौं । साताको अन्तिम कारोबार दिन सुनको मूल्य वृद्धि भएको छ । शुक्रबार छापावाला सुनको मूल्य तोलामा ५ सय रुपैयाँले वृद्धि भएको हो ।
अघिल्लो दिन ९२ हजार ४ सय रुपैयाँमा खरिदबिक्री भएको सुनको भाउ आज बढेर ९२ हजार ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघले आजका लागि तजावी सुनको मूल्य ९२ हजार ४ सय रुपैयाँ निर्धारण गरेको छ । अघिल्लो दिन ९१ हजार ९ सय रुपैयाँ कारोबार भएको थियो ।
यस्तै, शुक्रवार चाँदीको मूल्य पनि वृद्धि भएको छ । आज तोलामा १५ रुपैयाँले बढेर १ हजार २८५ रुपैयाँ कायम भएको छ । अघिल्लो दिन १ हजार २७० रुपैयाँमा खरिदबिक्री भएको महासंघले जनाएको छ ।
वि.सं.२०७८ साउन १५ शुक्रवार १०:५२ मा प्रकाशित
