काठमाडौं । मध्य भोटेकोशी जलविद्युत कम्पनीको साधारण सेयर (आइपीओ)मा आवेदन दिने समय थपिएको छ ।
कम्पनीका अनुुसार अब साउन ३२ गतेसम्म आवेदन दिन सकिनेछ । कम्पनीले आज (१७ गते) सम्म आयोजना प्रभावित स्थानीयको लागि आवेदन दिने समय तोकेको थियो । कम्पनीले सिन्धुपाल्चोक जिल्लाका आयोजना प्रभावित स्थानीयका लागि ६० लाख कित्ता आइपीओ निष्कासन गरेको छ ।
६० लाखमा १८ लाख कित्ता भोटेकोशी गाउँपालिका १ र ५ (साविकको लिस्ती र मार्मिंग गाविस) र बाह्रबिसे नगरपालिका– ५,६,७ र ८ (साविकको गाती, घुम्पांग र मानेश्वरा गाविस) का स्थानीयलाई छुट्याईएको छ । बाँकी ४२ लाख कित्ता सन्धुपाल्चोक जिल्लाका अन्य क्षेत्रका स्थानीयलाई छुट्याइएको छ ।
उक्त आईपीओमा आस्वा सदस्य रहेका बैंक तथा वित्तीय संस्था, जिल्लामा रहेको ३६ वटा र काठमाडौंका ७ वटा संकलन केन्द्रबाट आवेदन दिन सकिने छ । लगानीकर्ताले न्यूनतम ५० देखि अधिकतम ४०० कित्तासम्मको लागि आवेदन दिन सक्नेछन् ।
वि.सं.२०७८ साउन १७ आइतवार १०:०३ मा प्रकाशित