काठमाडौं । मैलुङ खोला जलविद्युत कम्पनीको आईपीओमा साढे १७ लाख बढीको आवेदन परेको छ । कम्पनीको आईपीओमा आइतबार साँझसम्म १७ लाख ७६ हजार ७११ जनाले आवेदन दिएका हुन् ।
कम्पनीको आईपीओमा २ अर्ब ४१ करोड ६३ लाख ४६ हजार रुपैयाँ बराबरको २ करोड ४१ लाख ६३ हजार ४८० कित्ताका लागि आवेदन दिएका छन् ।
कम्पनीले ७ करोड ३६ लाख २८ हजार ६ सय रुपैयाँको आईपीओ निष्काशन गरेको हो । कम्पनीले प्रतिकित्ता एक सय रुपैयाँका दरले ७ लाख ३६ हजार २८६ कित्ता आईपीओ बिक्री गर्न लागेको हो ।
कुल सेयरमध्ये १४ हजार ७२६ कित्ता कर्मचारीहरुका लागि र ३६ हजार ८१४ कित्ता सामूहिक लगानी कोष र बाँकी रहेको ६ लाख ८४ हजार ७४६ कित्ता सर्वसाधारणलाई निष्काशन हुने कम्पनीले जनाएको छ ।
उक्त आईपीओमा न्युनतमा १० कित्ता र अधिकतम १ लाख कित्तासम्म आवेदन दिन सकिने कम्पनीले जनाएको छ । आइपीओमा साउन १८ गतेसम्म आवेदन दिन सकिने छ ।
वि.सं.२०७८ साउन १७ आइतवार १७:०६ मा प्रकाशित
