काठमाडौं । नयाँ सारथी लघुवित्त वित्तीय संस्थाले गत आर्थिक वर्ष २०७७/७८ उल्लेखीय नाफा गरेको छ ।
कम्पनीले उक्त अवधिमा १० करोड ५८ लाख २७ करोड रुपैयाँ नाफा कमाएको हो । सोमबार कम्पनीले सार्वजनिक गरेको गत वर्षको चौथो त्रैमासिक वित्तीय अवस्थाको तथ्याङ्कले यस्तो देखाएको हो ।
जुन अघिल्लो आवको तुलनामा २६७. ०३ प्रतिशतले बढी हो । कम्पनीले अघिल्लो आवको चौथो त्रैमाससम्म २ करोड ८८ लाख ३३ हजार रुपैयाँ नाफा कमाएको थियो ।
कम्पनीको चुक्तापुँजी २५ करोड ४९ लाख ५४ हजार रुपैयाँ रहेको छ । कम्पनीले जगेडा तथा कोषमा १५ करोड ९७ लाख ७६ हजार रुपैयाँ रहेको छ ।
उक्त अवधिमा कम्पनीले ५६ करोड ६० लाख २८ हजार रुपैयाँ खराब कर्जा उठाउन सफल भएको छ । अघिल्लो आवमा कम्पनीले ३ करोड ६५ लाख ६८ हजार रुपैयाँ उठाएको थियो ।
कम्पनीले अघिल्लो आवमा १.१४ प्रतिशत रहेको खराब कर्जा बढेर ३.८० प्रतिशत पुगेको छ । कम्पनीको प्रतिसेयर आम्दानी ४१ रुपैयाँ ५१ पैसा र प्रतिसेयर नेटवर्थ १६२ रुपैयाँ ६७ पैसा रहेको छ ।
वि.सं.२०७८ साउन १८ सोमवार १२:४२ मा प्रकाशित
