काठमाडौं । मंगलबार नेपाली बजारमा सुनको मूल्य स्थिर रहेको छ । साताको तेस्रो कारोबार दिन छापावाला सुनको मूल्य ९२ हजार ३ सय रुपैयाँ कायम भएको छ ।
नेपाल सुनचाँदी व्यवासायी महासंघका अनुसार अघिल्लो दिन अर्थात सोमबार(साउन १८ गते) पनि सोही मूल्य निर्धारण भई कारोबार भएको थियो ।
अघिल्लो कारोबार दिन प्रतितोला ९१ हजार ८ सय रुपैयाँमा खरिदबिक्री भएको तेजावी सुन आज पनि सोही मूल्य कायम भएको महासंघले जनाएको छ ।
यस्तै, उक्त दिन चाँदीको मूल्यमा भने गिरावट आएको छ । आज चाँदीको मूल्य तोलामा १० रुपैयाँले घटेर १२ सय ७५ रुपैयाँ निर्धारण भएको छ । अघिल्लो दिन प्रतितोला १२ सय ८५ रुपैयाँमा खरिदबिक्री भएको महासंघले जनाएको छ ।
वि.सं.२०७८ साउन १९ मंगलवार १०:३० मा प्रकाशित
