काठमाडौं । नबिल बैंकको ऋणपत्रमा आज कार्यालय समयसम्म मात्रै आवेदन दिन पाइने भएको छ ।
बैंकले साउन १० गतेदेखि आज (२४गते)सम्म ३ अर्ब रुपैयाँको ३० लाख कित्ता ऋणपत्र निष्काशन गरेको थियो । जसमा १८ लाख कित्ता बैंकले विभिन्न संघसंस्थालाई बिक्री गर्ने र १२ लाख कित्ता सर्वसाधारणको लागि छुट्याएको थियो ।
७ वर्ष अवधिको ऋणपत्रमा वार्षिक ८ प्रतिशत ब्याज पाइनेछ । यसको बिक्री प्रबन्धकमा हिमालयन क्यापिटल रहेको छ । ऋणपत्रमा न्यूनतम २५ देखि अधिकतम सबै कित्तामा आवेदन दिन सकिन्छ । आवेदन मेरो सेयर तथा सि–आस्वा सदस्य रहेका बैंक तथा वित्तीय संस्थाबाट आवेदन दिन सकिने छ ।
वि.सं.२०७८ साउन २४ आइतवार १०:०९ मा प्रकाशित