काठमाडौं । नेपाल लाइफ इन्स्योरेन्स कम्पनीले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
कम्पनीले गत वर्ष ५३ करोड ५९ लाख ४३ हजार रुपैयाँ नाफा कमाएको छ । कम्पनीको नाफा अघिल्लो वर्षको तुलनामा २.०५ प्रतिशतले मात्र बढी हो । अघिल्लो वर्षको चौथो त्रैमासमा कम्पनीले ५३ करोड ३ लाख ७९ हजार रुपैयाँ नाफा कमाएको थियो ।
कम्पनीले गत वर्ष ३२ अर्ब ३६ करोड ९५ लाख ५६ हजार रुपैयाँ कुल बीमाशुल्क आर्जन गरेको छ । उक्त अवधिमा ९ अर्ब ७१ करोड ९५ लाख ३० हजार रुपैयाँ कुल दावी भुक्तानी गरेको कम्पनीको भुक्तानी हुन बाँकी दावी रकम भने २ अर्ब ५५ करोड ५१ लाख ९० हजार रुपैयाँ रहेको छ ।
चुक्तापुँजी ७ अर्ब १९ करोड ९९ लाख ७० हजार रुपैयाँ रहेको छ । कम्पनीले जगेडा तथा कोषमा १ अर्ब १ करोड ६३ लाख ४६ हजार रुपैयाँँ राखेको छ ।
यस्तै, जीवन बीमा कोषमा १ खर्ब १२ अर्ब ५१ करोड २९ लाख ३४ हजार रुपैयाँ र महाविपत्ती कोष जगेडामा ५८ करोड ८९ लाख ६ हजार रुपैयाँ राखेको छ ।
कम्पनीको प्रतिसेयर आम्दानी ७ रुपैयाँ ४४ पैसा(गणना गर्दा अन्तिम सेयर संख्या लिएका) र प्रतिसेयर नेटवर्थ १२२ रुपैयाँ ३० पैसा रहेको छ ।
वि.सं.२०७८ साउन २९ शुक्रवार १०:२९ मा प्रकाशित