काठमाडौं । ज्योति लाइफ इन्स्योरेन्स कम्पनीले गत आर्थिक वर्ष २०७७÷७८ को चौथो त्रैमासिक वित्तीय अवस्था सार्वजनिक गरेको छ ।
गत वर्ष कम्पनीले १३ करोड १४ हजार रुपैयाँ नाफा कमाएको छ । कम्पनीको नाफा अघिल्लो वर्षको सोही अवधिको तुलनमा ८०.५० प्रतिशतले बढी हो । अघिल्लो वर्ष कम्पनीको नाफा ७ करोड २० लाख २६ हजार रुपैयाँ रहेको थियो ।
कम्पनीको कुल बीमाशुल्क आर्जन रकम भने ३ अर्ब ११ लाख ३१ लाख २ हजार रुपैयाँ रहेको छ । गत वर्ष कम्पनीले १५ करोड २५ लाख २७ हजार रुपैयाँ कुल दावी भुक्तानी गरेको छ । कुल दावी भुक्तानीको संख्या भने ३२२ रहेको छ ।
उक्त अवधिमा कम्पनीको भुक्तानी हुन बाँकी रकम २ करोड ७९ लाख १२ हजार रुपैयाँ रहेको छ । कम्पनीको चुक्ता पुँजी २ अर्ब २० करोड रुपैयाँ रहेको छ । कम्पनीले जगेडा तथा कोषमा ५७ करोड ५८ लाख २६ हजार रुपैयाँ राखेको छ ।
यस्तै, कम्पनीले जीवन बीमा कोषमा ३ अर्ब ९८ करोड ८८ लाख १ हजार र महाविपत्ति जगेडामा ६ करोड ८९ लाख ६१ हजार रुपैयाँ राखेको छ ।
कम्पनीको प्रतिसेयर आम्दानी ५ रुपैयाँ ९१ पैसा र प्रतिसेयर नेटवर्थ १२९ रुपैयाँ ३१ पैसा रहेको छ ।
वि.सं.२०७८ साउन ३१ आइतवार ११:३१ मा प्रकाशित