काठमाडौं । नेपाल धितोपत्र बोर्डका कामु कार्यकारी निर्देशक मुक्ति श्रेष्ठले अर्थ समितिको बैठकमा संसदीय मर्यादा भन्दा बाहिर गएर बोलेको भन्दै बैठकमा चर्काचर्की भएको छ ।
अर्थ समितिको बैठकमा सर्वोत्तम सिमेन्टको सेयर धितोपत्र बोर्डका अध्यक्ष भिष्मराज ढूंगानाले छोरीको नाममा किनेपछि सांसदको प्रश्नको जवाफमा अमर्यादित भएको भन्दै चर्की चर्की भएको हो ।
सांसदको प्रश्नको जावफा दिने क्रममा बोर्डका अध्यक्ष ढुंगानाको बचाउन बोल्न थाल्दा सांसदलाई नै चुनौती दिने गरी प्रस्तुत भएका कारण चर्का चर्की भएको हो । अध्यक्ष ढुंगानाले किनेको सेयरमा छानविन गरेर कारबाही गर्ने हो भने पनि सहयोग गर्न तयार रहेको बताउनुभयो । तर उहाँले समाचार आएको भरमा मात्रै आक्षेप नलगाउनु होला कृपया भनेर भनेपछि सांसदहरु आक्रोशित बन्नु भएको थियो ।
कसले के लेख्यो भन्दैमा हामीलाई आक्षेप लगाउने, मोरल डाउन गर्ने काम नगर्नु होला । तपाईहरुले अहिले जे गर्नु भएको छ, त्यसले भोली ठूलो समाचार बनेर अनलाइमा आँउछ’ भनेर धम्किको शैलिमा प्रस्तुत भएपछि चर्का चर्की भएको हो । अहिले समाचार हेरेर मात्रै समितिले बोलाएको र काम गर्ने बाताबरणमा अप्ठेरो परेको भन्दै भोलीको दिनमा काम गर्न समस्या हुने बताउनुभयो ।
समाचार आएको भरमा नै कुनै पनि विषयलाई स्थापित गर्न नहुने उहाँको तर्क छ । श्रेष्ठले बैठकमा अध्यक्ष भिष्मराज ढुंगानालाई निलम्बन गरेर छानविन गर्न उपयुक्त लागे त्यही अनुसार अघि बढन समेत सुझाव दिनुभयो । तर सस्तो समाचारको रुपमा प्रस्तुत हुन नहुने बताउनुभयो ।
उहाँको कुरा सकिन नपाउँदै सासंद जय कुमार राईले श्रेष्ठको प्रस्तुति आपत्ति जनक भएको भन्दै बोलि फिर्ता लिन आग्रह गर्नुभयो । ‘उहाँले समाचारको लागि समाचार बनाउन छलफल गर्न बोलाउनुभयो भन्नुभयो यो आपत्ती जनक विषय हो । तपाईको प्रतिवेदनमा समितिले दिएको सुझावमा तपाईहरुले प्रगतिविवरण पेश गर्नुभयो । यो संस्थाको प्रमुखको विषयमा यस्तो खबर आएको छ भनेर हामीले प्रश्न गर्न मिल्दैन । तपाईले त आपत्ती जनाउनुभयो नी । हामीले थप समाचार बनाउन बोलाएजस्तो तपाईको अभिव्यक्ति भयो । यो जिम्मेवार बैठकमा तपाईको प्रस्तुती आपत्तीजनक छ फिर्ता हुनुपर्छ ।’
सांसद राइले श्रेष्ठलाई इंगित गर्दै भन्नुभयो ‘तपाई भएको संस्थाप्रति प्रश्न उठेको छ, हामी कति नैतिकवान छौ । राज्यलार्ई दोहन गर्ने अनी आफू मोटाउने, जनताले तिरेको करबाट तलब खाने अनी राज्यलाई दोहन गर्ने परिपाटी बन्यो ? यस्तो प्रश्न उठन् नकारात्मक हो ? हामीले तपाई कारबाहीको भागिदार हुनुपर्छ भनेको छ र ? प्रश्नमाथी के हो भनेर सोध्न नपाउने, समाचारब बनाउनको लागि छलफल नगर्नुहोस भन्ने तपाईको अभिव्यक्तिप्रति मेरो आपत्ती छ ।’ प्रश्न उठेपछि त्यसको सफाइ दिनुपर्ने उहाँको भनाई छ ।
त्यसपछि बोर्ड अध्यक्ष ढुंगानाले श्रेष्ठलाई बोल्न दिनुभएन । अन्तिममा उहाँले आफ्ना कर्मचारीले कुनै गल्ति गरेको भए वा बोल्दा तलमाथी परेको भए माफ पाउँ भन्दै बैठकबाट बाहिरिनुभयो ।
वि.सं.२०७८ साउन ३१ आइतवार १६:४४ मा प्रकाशित
