काठमाडौं । गोर्खाज फाइनान्स कम्पनीले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।कम्पनीले गत वर्ष नाफामा उल्लेखीय सुधार गरेको छ ।
अघिल्लो वर्ष नोक्सानीमा रहेको कम्पनीले गत वर्ष २० करोड १८ लाख ९६ हजार रुपैयाँ नाफा कमाएको छ । अघिल्लो वर्ष ७ करोड ९४ लाख ९३ हजार रुपैयाँ नोक्सानीमा रहेको कम्पनीको नाफा गत वर्ष १५३.९७ प्रतिशतले बढेको हो ।
गत वर्ष कम्पनीले २१ करोड ५८ लाख ५६ हजार रुपैयाँ खुद ब्याज आम्दानी गरेको छ । अघिल्ले वर्षको तुलनामा कम्पनीको खुद ब्याज आम्दानी भने २९.१९ प्रतिशतले कमी हो । अघिल्लो वर्ष कम्पनी ३० करोड ४८ लाख ५८ हजार रुपैयाँ खुद ब्याज आम्दानी गरेको थियो ।
यस्तै, कम्पनीको गत वर्षको संचालन मुनाफा ५७ करोड ६९ लाख ७० हजार रुपैयाँ रहेको छ । अघिल्लो वर्षको तुलनामा कम्पनीको संचालन मुनाफा ४८६.९३ प्रतिशतले वृद्धि भएको हो । कम्पनीको वितरणयोग्य नाफा ४० करोड ७ लाख ५३ हजार रुपैयाँ रहेको छ ।
कम्पनीको चुक्तापुँजी ८६ करोड ७९ लाख ९३ हजार रुपैयाँ रहेको छ । कम्पनीले जगेडा कोषमा भने ७५ करोड ६४लाख ५८ हजार रुपैयाँ राखेको छ ।
कम्पनीले खराब कर्जा पनि घटाएको छ । अघिल्लो वर्ष ८.८२ प्रतिशत रहेको खराब कर्जा गत वर्षसम्म आईपुग्दा भने कम्पनीले ३.६५ प्रतिशतमा झारेको छ ।
कम्पनीको प्रतिसेयर आम्दानी २३ रुपैयाँ २६ पैसा र प्रतिसेयर नेटवर्थ २०१ रुपैयाँ ४४ पैसा रहेको छ ।
वि.सं.२०७८ साउन ३२ सोमवार १३:३८ मा प्रकाशित