काठमाडौं । नागरिक लगानी कोषले गत असार मसान्तसम्मा ७१ करोड ९६ लाख ५५ हजार रुपैयाँ खुद नाफा आर्जन गरेको छ ।
जुन अघिल्लो असार मसान्तको तुलनामा १६.१३ प्रतिशतले बढी हो । उक्त अवधिमा कोषको नाफा ६१ करोड ९६ लाख ७१ हजार रुपैयाँ रहेको थियो । गत आवको चौथो त्रैमाससम्म कोषले २१ करोड ५५ लाख ७७ हजार रुपैयाँ ब्याज आम्दानी गरेको छ । अघिल्लो आवको सोही अवधिमा १३ करोड १७ लाख ५३ हजार रुपैयाँ रहेको थियो ।
कोषले यो अवधिमा सेवा शुल्क तथा कमिसन आम्दानी १ अर्ब ३ करोड ८२ लाख रुपैयाँ रहेको छ । लाभांश आम्दानी १ करोड ३३ लाख ४२ हजार रुपैयाँहुँदा विविध आम्दानी २ लाख १५ हजार रुपैयाँ रहेको छ । ३ अर्ब २७ करोड रुपैयाँ सेयर पुँजी रहेको कोषको जगेडा कोषमा १६ अर्ब ८ करोड ४८ लाख ६४ हजार रुपैयाँ रहेको छ ।
कोषले गत आवको चौथो त्रैमासमा सरकारको ऋणपत्रमा १ अर्ब ५ करोड रुपैयाँ लगानी रहेको छ भने १ खर्ब ३ अर्ब ३२ करोड ३ लाख ५६ हजार रुपैयाँ मुद्दति निक्षेपमा राखेको छ । संगठित संस्थाको सेयरमा १८ अर्ब २८ करोड ६५ लाख ४७ हजार रुपैयाँ लगानी गरेको छ । कोषको प्रतिसेयर आम्दानी २२ रुपैयाँ ०१ पैसा रहेको छ भने प्रतिसेयर नेटवर्थ १४६ रुपैयाँ ११ पैसा रहेको छ ।
वि.सं.२०७८ भदौ १ मंगलवार १०:४४ मा प्रकाशित
