काठमाडौं । मिलेनियम च्यालेञ्ज कम्प्याक्ट (एमसीसी) ले पूर्व तयारी कामका लागि निकासा रोकेको छ । सम्झौताका पूर्वशर्तहरु पुरा नभएका कारण निकासी रोकेको हो ।
महालेखापरीक्षको कार्यालयले शुक्रावर सार्वजनिक गरेको ५८औँ वार्षिक प्रतिवेदनका अनुसार कम्प्याक्ट डेभलपमेन्टठ फण्ड(सीडीएफ) तर्फ बजेट विनियोजन गरि एमसीसी विकास समितिको कार्यालय स्थापना गरि परियोजनासम्वन्धी प्रारम्भिक कार्यमा १ अर्ब २४ करोड १४ लाख ६६ हजार रुपैयाँ खर्च भएको छ ।
हालसम्म नेपाल सरकारतको स्रोतबाट ९५ करोड ७६ लाख ९४ हजार रुपैयाँ र एमसीएको स्रोतबाट १ अर्ब ३५ करोड २९ लाख १८ हजार समेत गरि २ अर्ब ३१ करोड ६ लाख रुपैयाँ खर्च भएको कार्यालयले जनाएको छ । सम्झौताका शर्तहरु पुरा गरी खर्च पर्ने कार्यलयको भनाई छ ।
एमसीसी सम्झौताको धारा ७ मा उक्त सम्झौता लागू हुनका लागि पूर्वसर्तको रुपमा पक्षहरुद्वारा कार्यक्रम कार्यन्वयन सम्झौत गरेको हुनुपर्ने व्यवस्था रहेको छ ।
सम्झौतामा उल्लेख भएका व्यहोरा र नेपाल राष्ट्रिय कानुन बाझिएमा यो सम्झौता लागू हुने सम्झौताको दफ ७.१ मा उल्लेख छ ।
कानुन तथा न्याय मन्त्रालयको रायअनुसार सम्झौताको दफ ७.२ मा भएको व्यवस्था बमोजिम यो सम्झौता संसदीय अनुमोदन गर्नुपर्ने उल्लेख छ ।
वि.सं.२०७८ भदौ ४ शुक्रवार १६:४८ मा प्रकाशित
