काठमाडौं । खिम्ती जलविद्युत योजनाको स्वामित्व हस्तान्तरणमा ढिलाई भएको छ । नेपाल विद्युत प्राधिकरणले २०७७ असारमा ५० प्रतिशत स्वामित्व प्राप्त गर्नुपर्नेमा अहिलेसम्म पनि ढिलाई भएको हो ।
आयोजनाको ५० प्रतिशत स्वामित्व हस्तान्तरणका लागि प्राधिकरण र प्रवर्धक कम्पनी दुवैको स्वामित्म रहने गरि छुट्टै कम्पनी स्थापना गर्नुपर्ने हुन्छ ।
हाल उक्त कम्पनी नबनेको र नयाँ कम्पनीले पुनः विद्युत बिक्रीको लािग विद्युत खरिद सम्झौत गर्नुपर्ने लगायतका प्रकृया पुरा नभएपछि हस्तान्तरणमा ढिलाई गरेको महालेखापरीक्षक कार्यालय जनाएको छ । यसबाट प्राधिकरणलाई प्राप्त हुने आयमा असर नपर्ने व्यवस्था हुनुपर्ने कार्यालयले उल्लेख गरेको छ ।
वैदेशिक लगानीमा बनेको खिम्ती जलविद्युत आयोजनाबा ६० मेगावाट विद्युत उत्पादन गर्नेगरि २०५१ मंसिर २९ गते नेपाल विद्युत प्राधिकरणसंग विद्युत खरिद सम्झौता गरेको थियो ।
सम्झौता अनुसार उत्पादन सुरु भएको २० वर्षपछि १ रुपैयाँ मूल्यमा ५० प्रतिशत स्वामित्व प्राधिकरणको हुने उल्लेख छ ।
वि.सं.२०७८ भदौ ४ शुक्रवार १७:०२ मा प्रकाशित
