काठमाडौं । साताको अन्तिम कारोबार दिन सुनको भाउमा वृद्धि भएको छ । उक्त दिन सुन प्रतितोला १४ सय रुपैंयाले बढेको हो ।
नेपाल सुन–चाँदी व्यवसायी महासंघका अनुसार आज प्रतितोला १ लाख ३७ हजार २०० रुपैयाँ कायम भएको छ भने तेजावी सुनको मूल्य प्रतितोला १ लाख ३६ हजार ५५० रुपैयाँमा कारोबार भइरहेको छ ।
अघिल्लो दिन बिहीबार छापावाल सुन प्रतितोला १ लाख ३५ हजार ८०० रुपैयाँमा कारोबार भएको थियो भने तेजावी सुनको मूल्य तोलाको १ लाख ३५ हजार १५० रुपैयाँमा कारोबार भएको थियो। आज चाँदीको मूल्य १० रुपैयाँले बढेर १ हजार ६६५ रुपैयाँमा कारोबार भइरहेको छ ।
वि.सं.२०८१ वैशाख १४ शुक्रवार १०:४७ मा प्रकाशित
