काठमाडौं । हिन्दू महिलाहरुको विशेष पर्व तीजको अवसरमा सानिमा बैंकले विशेष योजना सार्वजनिक गरेको छ ।
योजना अन्तर्गत नारी बचत खाता खोल्दा निःशुल्क डेबिटरक्रेडिट कार्ड, मोबाइल बैंकिङ्ग, मेरो शेयर, डिम्याट खाताका साथै लकर सुविधामा ७५ प्रतिशतसम्म छुट प्रदान गरिनेछ ।
यसका साथै पहिलो पिओएस कारोबारमा १० प्रतिशत अर्थात ५ रुपैयाँसम्मको क्यास ब्याक प्रदान गरिने बैंकले जनाएको छ ।यसका अतिरिक्त ५०० बराबरको एनसेल सिमकार्ड उपलब्ध गराउनुका साथै अमेरिकी डलर ई कार्ड निःशुल्क जारी गरिने बैंकले जनाएको छ ।
उक्त योजना भदौ ३१ गतेसम्म सानिमा नारी बचत खाता खोल्नु हुने महिलाहरुका लागि उलपब्ध हुने बताइएको छ । बैंकले प्रत्येक नारी बचत खाताबापत बैंकको तर्फबाट मासिक १ रुपैयाँको दरले नारी सामाजिक कोषमा रकम जम्मा गरी सामाजिक कार्यमा खर्च गर्दै आएको छ ।
उक्तकोष अन्तर्गत हाल पाटन अस्पतालबाट निम्न आर्थिक अवस्था भएका महिलाहरुका उपचारका लागि आर्थिक सहयोग समेत उपलब्ध गराइदै आएको छ ।
सानिमा बंैकको देशका सातै प्रदेशमा १०४ वटा कार्यालय तथा ९६ वटा एटीएम संचालनमा रहेका छन् ।
वि.सं.२०७८ भदौ १७ बिहीवार १७:४८ मा प्रकाशित
