back
NMB ad

बैंकहरु नै सुन चाँदीको कालोबजारीमा

Kumari bank ad

काठमाण्डौं । बैंकहरूले नै चाँदीमा कालोबजारी गरेको ठहर गर्दै राष्ट्र बैंकले रोक लगाएपछि यसको करोबार अस्वाभाविक रूपमा घटेको छ ।

बैंकहरूले मुलुकको आवश्यकताभन्दा बढी आयात गरेको देखिएपछि तीन महिनाअघि राष्ट्र बैंकले यसको आयातमा रोक लगाएको हो । प्रतिबन्धपछि यसको कारोबार पनि अघिल्लो वर्षको तुलनामा दुई तिहाइले घटेको छ ।

राष्ट्र बैंकका अनुसार चालू आर्थिक वर्षको पहिलो ६ महिनामा ४ अर्ब २२ करोड रुपैयाँको चाँदी आयात भएको छ । अघिल्लो वर्ष सोही अवधिमा १२ अर्ब ८७ करोड रुपैयाँ भित्रिएको थियो ।

‘मागभन्दा बढी आयात गर्दै कालोबजारी भएको पाइयो,’ राष्ट्र बैंकका एक अधिकारीले भने, ‘त्यसैले बाध्य भएर रोक लगाउनुपरेको थियो ।’

राष्ट्र बैंकका विनिमय विभागका प्रमुख भीष्मराज ढुंगानाका अनुसार बैंकहरूलाई रोक लगाएपछि आयातमा भारी गिरावट आएको जानकारी दिए । ‘प्रतिबन्धकै कारण आयातमा गिरावट आएको हो,’ उनले भने । उनले व्यवसायीले भने आयात गर्नमा कुनै रोक नभएकोसमेत जानकारी दिए । बैंक माथिको रोक कहिलेसम्म भन्नेबारे केन्द्रीय बैंकले कुनै जानकारी दिएको छैन ।

व्यवसायीका अनुसार चाँदीको माग बढ्नुमा भारतीय रुपैयाँको सट्टामा भुक्तानी हुनु मुख्य कारण हो । ‘भारुको सट्टामा चाँदी दिएर कारोबार हुन थालेकाले आयातमा वृद्धि भएको थियो,’ सुनचाँदी व्यवसायी महासंघका अध्यक्ष मणिरत्न शाक्यले भने । उनका अनुसार सुन बिक्रीमा कमी भएपछि बैंकहरूले चाँदीमा फाइदा लिएका थिए ।

अस्वाभाविक आयात बढ्न थालेपछि भन्सार विभागले केही महिनाअघि सरोकारवालासँग छलफल चलाएको थियो । छलफलमा भारुको सट्टा प्रयोग भइरहेको चर्चा भएको थियो । ‘हाम्रो दैनिक माग साढे ३ सय किलो हो,’ उनले भने, ‘तर, १३ सय किलोसम्म आयात भएको थियो ।’

चाँदी विशेष गरेर हस्तकलाका सामान बनाउन र गहनाका रूपमा प्रयोग हुन्छ । तर, हस्तकलाको निर्यात नबढेकाले चाँदीको अत्यधिक आयात र उपयोगमा आशंका उब्जिएको थियो ।

चालू आर्थिक वर्षको ६ महिनामा करिब ५ करोड २० लाख रुपैयाँको मात्र चाँदीका हस्तकला निर्यात भएको छ । अघिल्लो वर्ष सोही अवधिमा ५ करोड १० लाख रुपैयाँको निर्यात भएको थियो ।

प्रकाशित : कान्तिपुर, फाल्गुन १३, २०७२, ८.००

वि.सं.२०७२ फागुन १३ बिहीवार १०:५० मा प्रकाशित

You can share this post!

ऊर्जा सुरक्षाका लागि वैकल्पिक ऊर्जाको विकास निर्विकल्प : सरोकारवाला  

ऊर्जा सुरक्षाका लागि वैकल्पिक ऊर्जाको विकास निर्विकल्प : सरोकारवाला  

वि.सं.२०८१ वैशाख १४ शुक्रवार २०:०९

काठमाडौँ, १५ वैशाखः नेपालमा जलविद्युत्सँगै हाइड्रोजन, सौर्य, वायु जस्ता वैकल्पिक...

अर्थतन्त्र मिश्रित अवस्थामा छ : गभर्नर अधिकारी   

अर्थतन्त्र मिश्रित अवस्थामा छ : गभर्नर अधिकारी   

वि.सं.२०८१ वैशाख १४ शुक्रवार १९:५७

काठमाडौँ, १४ वैशाख : नेपाल राष्ट्र बैंकका गभर्नर महाप्रसाद अधिकारीले...

सबैभन्दा बढी रेमिटेन्स भित्र्याउनेमा आइएमई, राष्ट्र बैंकले गर्यो सम्मान

सबैभन्दा बढी रेमिटेन्स भित्र्याउनेमा आइएमई, राष्ट्र बैंकले गर्यो सम्मान

वि.सं.२०८१ वैशाख १४ शुक्रवार १९:५०

काठमाडौं । सबैभन्दा बढी रेमिटेन्स भित्र्याउनेमा आइएमई लिमिटेड सम्मानित भएको...

राष्ट्रिय बीमा कम्पनीको सीईओमा शिवहरी श्रेष्ठ नियुक्त

राष्ट्रिय बीमा कम्पनीको सीईओमा शिवहरी श्रेष्ठ नियुक्त

वि.सं.२०८१ वैशाख १४ शुक्रवार १४:४९

काठमाडौं । राष्ट्रिय बीमा कम्पनी लिमिटेडको प्रमुख कार्यकारी अधिकृत (सीईओ)...

नेशनल लाईफको घान्द्रुक भ्रमण कार्यक्रम सम्पन्न

नेशनल लाईफको घान्द्रुक भ्रमण कार्यक्रम सम्पन्न

वि.सं.२०८१ वैशाख १४ शुक्रवार १४:४२

काठमाडौं । नेशनल लाईफ इन्स्योरेन्स कम्पनीले कम्पनीमा कार्यरत अभिकर्ताहरुका लागि...

आइतबारदेखि हात्तीपाइले रोगविरुद्ध औषधि खुवाइने   

आइतबारदेखि हात्तीपाइले रोगविरुद्ध औषधि खुवाइने   

वि.सं.२०८१ वैशाख १४ शुक्रवार १४:३५

काठमाडौँ, १४ वैशाख : सरकारले यही वैशाख १६ गते (आइतबार)देखि...